اطلاعات رزو: د خوړو نړیوال پروګرام یا WFP وایي، چې «افغانستان کې لا هم د ډېری افغانانو په تېره بیا د ښځو او نجونو لپاره ژوند د زغم وړ نه دی.»
دغه پروګرام نن (چهارشنبه، ۴ د لړم) په یوه ټویټ کې لیکلي چې د پانګونې د پروګرامونو (عامه پانګې جوړونې) او د معیشت د ملاتړ له لارې یې له څه باندې ۱۰ میلیونه ښځو سره مرسته کړې ده.
ویل کېږي چې د هېواد تر نیمايي ډېر وګړي له لوږې سره مخ دي او مرستو ته اړتیا لري.
د طالبانو له واکمنۍ وروسته په هېواد کې بې وزلي او بېکاري زیاته شوې ده.
د مرستندویه بنسټونو په وینا، د افغانستان ۹۷ سلنه وګړي دا مهال د فقر تر کرښې لاندې ژوند کوي.
