اطلاعات روز: د بدخشان په مايمي ولسوالۍ کې د ترافيکي پېښي له امله شپږ کسانو ژوند بایللی او درې نور ژوبل دي.
بدخشان کې د طالبانو د اطلاعاتو او فرهنګ رييس معزالدين احمدي وايي، چې نن (شنبه، ۱ د سلواغې) سهار لنډکروزر ډوله موټر د مايمي ولسوالۍ په اړونده سيمه کې اوښتی دی.
د طالبانو تر مديريت لاندې د باختر خبري اژانس راپور ورکړی، چې د دې پېښي په قربانيانو کې ښځې او ماشومان هم شامل دي.
احمدي د ټپیانو د وضعيت او پېښې د لامل په اړه څه نه دي ويلي.
بدخشان يو له غرنیو ولايتونو څخه دی چې سختې لارې لري.
په دې وروستيو ورځو کې د هیواد ډیری ولايتونو کې لارې په یخ او واورو پوښل شوي او له کبله یې ترافيکي پېښي هم زياتې شوې دي.