ګل زمان

د هېواد نامتو سندرغاړی استاد ګل زمان ومړ

اطلاعات روز: ځینو سندرغاړو د افغانستان پښتو ژبې نامتو سندرغاړي استاد ګل زمان د مړینې خبر تایید او خپور کړی دی.

ویل کېږي چې هغه تېره شپه (جمعه، د کب په ۶مه) ساه ورکړې ده.

سندرغاړي شفیق مرید په یو پیغام کې هغه یو «رښتینی هنرمند» یاد کړی او کورنۍ او مینه‌والو ته یې د نوموړي د مرګ د ډاډګیرنې ویلي دي.

د ټولنیزو شبکو کاروونکو هم د استاد ګل زمان کورنۍ سره خپله غمشریکې ښودلې ده.

استاد ګل زمان په ۱۳۱۶ لمریز کال کې خوست کې زېږېدلی و. له هغه سلګونه سندرې د افغانستان ملي راډیو ټلوېزیون ارشیف کې خوندي دي.

د افغانستان مخکیني حکومت استاد ګل زمان ته د پښتو موسیقۍ د بابا لقب ورکړی و.