اطلاعات روز: په نيمروز کې نن ( پنج شنبه،۱۸ د وري) د افغان سرې مياشتې لخوا ٨٠٠ اړمنو کورنيو ته د ترکیې هېواد د بشري مرستو لړۍ پیل شوه.
نیمروز کې د افغان سرې میاشتې نشراتي مسوول نقیب الله نورزاد اطلاعات روز ورځپاڼي ته وویل، چې د کنګ او چخانسور سیمو له ۸۰۰ اړمنو کورنیو سره یې مرستې وکړې.
نورزاد زیاته کړه دغه مرستې چې د ترکيې هېواد لخوا شوي هرې کورنۍ ته اوړه، غوړي، مکروني، رب گرجه، د شیدو پوډر او مالګه ورکول شول.
ترسیاسي بدلون وروسته په ټول هېواد کې نږدي ۹۸سلنه خلک د خوړو له کمښت سره مخ دي او بشرې مرستو ته اړتیا لري.
تردي وړاندي نړیوالو بنسټونو په افغانستان کې پر بشرې وضعیت اندیښنه ښودلې وه.