اطلاعات روز: فراه کې د طالبانو امنیتي مسوولین وایي، ناپیژانده کسانو د دغه ولایت د پاسپورټ امریت یو کارکونکی وژلی دی.
فراه کې د طالبانو د امنیې قومندانۍ ویاند محمد نسیم بدري یاد کس د شعیب په نوم یاد کړی او ویلي یې دي، چې نموړی نن (شنبه، ۱۷ د مرغومي) غرمه ۱۲:۰۰ بجې د فراه ښار څلورمې حوزې اړوند باغ نو سیمه کې وژل شوی دی.
د هغه په خبره، شعیب فراه ولایت کې د پاسپورټ امریت کارکونکی و.
د فراه امنیې قومندانۍ ویاند زیاته کړې، چې د یاد کس په تور یي دوه شکمن کسان نیولي دي.
بدري یاده پیښه جنایي بللې، خو په اړه یې نور جزیات ندي ورکړي.