اطلاعات روز: کندهار کې د طالبانو پولیس وايي چې د کندهار ښار د شپږمې امنیتي حوزې په «ګوشتخانو» سیمه کې د چت را لوېدو له امله درې ماشومانې مړې شوې دي.
د طالبانو په وینا، دا پېښه نن (دوشنبه، ۱۲ د لیندۍ) شاوخوا یوه بجه هغه پرمهال رامنځته شوې چې یوه سړي غوښتل د خپل کور بامونه سیمنټ یا کانکرېټ کړي چې له کبله یې د کور چت را لوېدلی.
د کندهار ښار په شاوخوا سیمو کې تر ډیره د خلکو کورونه خټین دي او کله-کله د باراني موسمونو له کبله هم د خونو چتونه لوېږي چې مرګ ژوبله اړوي.
