افغانان

د اسلام اباد د سترې محکمې پر پاڼه په ۲۱ حکم کې همدا راز راغلي، چې د ملګرو ملتونو د کډوالو چارو د عالي کميشنرۍ له لوري د يوه پناه غوښتونکي د پناه غوښتنې د وضعيت تر تاييد وروسته بايد هغه د يوه زنداني په څېر تر محکمې لاندې په زندان کې ونه ساتل شي.

د پاکستان د پوځ د عامه اړيکو د دفتر له لوري په خپره شوې اعلاميه کې راغلي، چې جنرال عاصم دا څرګندونې د خيبرپښتونخوا ايالت له قبايلي مشرانو سره په يوه غونډه کې کړي.

ګارډين ورځپاڼې راپور ورکړی، چې ګومان کېږي د برېتانيا د ځانګړو هوايي ځواکونو يوه سرتېري افغانستان ته د خپل شپږ مياشتني سفر پر مهال د افغانستان ۳۵ وګړي وژلي دي.

په نيمروز کې د طالبانو د کډوالو او بیرته راستنېدونکو چارو ریيس صديق الله نصرت وايي، دغه کسان د ايران په زاهدان ښار کې د قانوني اسنادو نه درلودلو له امله نیول شوي وو.

علي جان احمد له موسېساتو غوښتنه وکړه چې مرستې دې یوازې د ښار په خلکو نه ویشي بلکې لېرې پرتو سیمو ته دې هم پاملرنه وکړي ځکه په خبره یې چې هغوی له هر ډول خدماتو بې برخې پاتې دي.

یوې ځایي سرچینې وویل، چې دغه پیښه تېره شپه (شنبه، ۱۰ د چنګاښ) رامنځته شوې او طالبانو د وژل شویو افغانانو جسدونه د نیمروز ولایتي روغتون ته را انتقال کړي دي.

سرچينه زیاتوي، دغه افغان ځوانان د ایران سيستان او بلوچستان ښار سره نږدې د دغه هیواد ځواکونو له لوري په ډزو وژل شوي او تیره ورځ (چهارشنبه، ۲۴ د کب) یې جسدونه د هیواد نیمروز ولایت ته رالیږدول شوي دي.