بندیزونه

د افغانستان د خبريالانو د مرکز له اعلاميې سره سم، طالبانو هغه خبريالان ګواښلي او زنداني کړي چې دې لارښودونو ته يې پام نه دی کړی او رسنۍ هم له تنبيهي اقداماتو لکه د لنډ مهال لپاره او يا هم په دايمي توګه د فعاليت له بنديز سره مخ شوې دي.

بېنټ د خپلو خبرو په يوه برخه کې ويلي، چې د قانون د حاکميت نشتون، د سرچينو او واک لپاره سيالي او همدا راز د طالبانو له لوري د قومي ملاتړ ادعاوو د قومي او مذهبي ډلو ترمنځ له وړاندې حساسې اړيکې نورې هم کړکيچنې کړې دي.

معترضو په دې پرېکړه‌ليک کې غوښتنه کړې چې د طالبانو تر واک لاندې افغانستان سره دې مالي مرستې قطع شي، د امريکا او طالبانو تر منځ د دوحې هوکړه ليک دې لغوه شي، له طالبانو سره دي تعامل نه کېږي او دا ډله دې په رسميت نه پېژندل کېږي.

کومو هيوادونو چې دا اعلاميه لاسليک کړې، ويلي يې دې چې په افغانستان کې له ښځو او نجونو سره تبعيض، د هغوی بيلتون او شړل په کلکه غندي او ښايي دا بنديزونه «جنسي ځور او اذيت» وبلل شي.

د امريکا د مذهبي ازاديو کميسيون ويلي، سره له دې چې طالبان هڅه کوي خپل ځانونه «منځلاري» وښيي، خو له اسلامه يې خپل ځانګړی تفسير تحميل کړی چې په هدفي توګه د ښځو، مذهبي او قومي اقليتونو حقونه تضعيفوي.

د افغانستان د ښځو پارلماني او رهبرۍ  شبکې زياته کړې، چې د ښځو او نجونو د اساسي حقونو سيسټماټيک نقض دوی منزوي کړي او که دا بهير دوام پیدا کړي نو په نږدې راتلونکي کې به «د افغانستان د هيڅ ښځې اواز لوړ نشي او په افغانستان کې به له ښځې سره ليدل او خبرې کول ناشوني وي».