په دې غونډه کې د لوګر، پکتيکا او خوست والیانو حضوري او د ولسمشر محمداشرف غني په ګډون، د کرنې وزير، د پانګونې د اسانتيا ادارې مشر، د څلور هېوادونو سفيرانو او ځينو چارواکو په انلاين ډول ګډون کړی و.
د خوست ولایت د سوداګرۍ او صنایعو خونې مسوولین هم د بازار نشتون برخه کې ځینې ستونزې مني او وايي، په دې وروستیو کې دوی اوس یوازې چین هیواد ته د جلغوزیو په صادرولو تکیه کړې.
د طالبانو د کرنې ریاست د معلوماتو له مخې د ننګرهار په اتو ولسوالیو خوږیاڼو، شېرزادو، پچیراګام، هسکې مېنې، اچین، سپین غر، حصارک او کوټ ولسوالیو کې پر شاوخوا ۱۷ سوه هکتاره ځمکه د جلغوزیو ځنګلونه آباد دي، چې سږکال یوازې له پنځو ولسوالیو حاصلات را ټول شوي.
د ښاغلي ساپي په وینا، تېر کال د ننګرهار د جلغوزیو حاصلات ۴۵۵ ټنه و او سږ کال بیا له ۶۲۷ ټنو زیات حاصلات راټول شوي دي.
د جلغوزیو د حاصلاتو له کموالي او په ناقانونه ډول یې د انتقال په اړه له اندېښنو ور هاخوا بیا د پکتیا ولایت د طالبانو د کرنې ریاست مسوولین وايي، د دغه ولایت ۱۸۰۰۰ کیلو ګرامه جلغوزي به په نږدې ورځو کې ایټالیا هیواد ته ولېږدل شي.
د پکتيکا ولايت اوسېدونکی او د جلغوزيو کاروباري طاهرګل ځدراڼ د جلغوزيو د بيې له ټيټوالي شکايت کوي او وايي چې قيمت يې شاوخوا څلوېښت سلنه راکم شوی دی.
جلال اباد ښار کې د وچې مېوې یو پلورونکی اظهار الله وایي، چې د طالبانو د حکومت په راتګ او په خاص ډول سږکال د وچې مېوې بازار کمرنګه شوی دی.