د بشر حقونو څار په راپور کې راغلي، چې د داعش ډلې خراسان څانګې په ۲۰۲۲ کال کې د هزاره ګانو پر خلاف د ګڼو بمي چاودنو او وسله والو بريدونو پړه منلې ده.
ګوسمن ويلي، چې له کومه وخته راهيسې طالبان واک ته رسېدلي له اعدامونو او جبري ورکونې سره – سره يې داسې سياستونه غوره کړي چې د ښځو او نجونو حقونه يې محدود کړي دي.
د بشر حقونو څار له متحده عربي اماراتو غوښتي چې دا افغانان دې ژر بيرته ازاد کړي او هغوی ته دې اجازه ورکړي چې د خپلې کډوالۍ د وضعيت معلومولو بهير ته لاسرسی ولري.
مينکي وردن زیاته کړې، چې ښځينه ورزشکارانو راپور ورکړی چې طالبانو د تمرين او ورزش مرکزونه تړلي او هغوی يې په تاوتريخوالي ګواښلې دي.
د هیدر بار په وینا، نړيوالې ټولنې په افغانستان کې د طالبانو له لوري د ښځو او نجونو د حقونو تروړنې ته موثر ځواب نه دی ورکړی او دا د دې لامل شوی دی چې نور «ښځه ځپونکي» له طالبانو الهام واخلي.