ګوتريش بيا هم پر دې ټينګار کوي چې له زده کړو څخه د نجونو محروميت نه يوازې د ښځو او نجونو د برابرۍ حقونه نقض کوي، بلکې د افغانستان پر راتلونکي به هم تخريبوونکی اغېز ولري.
دارزګان خلک د طالبانو د لوړو زده کړو وزارت دغه پريکړه غندي او زياتوي چې دوی هيله درلوده چې د نجونو پرمخ به له شپږم ټولګي پورته ښوونځي هم خلاص شي خو اوس په پوهنتونونو کې د نجونو پر زده کړو بندیز سخت خواشيني کړي دي.
يوه ويډيو چې ويل کېږي د کابل پوهنتون په يوه دروازه کې ثبت شوې، د نجونو د ژړا غږ پکې اورېدل کېږي او هغوی يوه – بله په غېږ کې نيسي.
حسين ابراهيم طه ويلي، چې ده او د افغانستان لپاره د اسلامي همکاريو د سازمان ځانګړي استازي طالبانو ته په پر له پسې توګه د داسې تصميمو د نيولو په اړه خبرداری ورکړی.
کندهار د یوه خصوصي پوهنتون محصلې اسما وویل، د طالبانو حکومت بايد پر خپلې وروستۍ پریکړې له سره غور وکړي او د ټولو نجونو پرمخ د پوهنتونونو، ښوونځیو او ښوونيزو مرکزونو دروازې پرانيزي.
ويسټ ليکلي: «دا د نړۍ لپاره مهمه شېبه ده؛ موږ بايد سره يو شو او له دې سياستونو سره په ټينګه مخالفت وکړو. موږ بايد د افغان ښځو په څنګ کې ودرېږو.»
په تالقان کې د جهش ښوونيز مرکز يوه زده کوونکې وایي، چې نن سهار اووه بجې کورس ته ولاړه، خو طالبانو دې او د دې ټولګيوالو ته د ننوتلو اجازه ورنه کړه.
د طب پوهنځي یو محصل چې نه یې غوښتل نوم یې خپور شی وایي، چې نن سهار د پوهنځي ټولو محصلینو د لوړو زده کړو وزارت د وروستۍ پریکړې په غبرګون کې د ازموینې صحنه د اعتراض په ډول پریښې ده.
روزا اوتنبايوا ويلي، چې دې د ملګرو ملتونو امنيت شورا ته د بشري حقونو د ځينو انديښنو په تړاو وضاحت ورکړی دی.
جوزپ بورل په یوه ټویټ کې د طالبانو دا اقدام په نړۍ کې یو بیساری اقدام بللی چې د افغانانو له حقونو او هیلو سره په ټکر کې دی.