د کرنيزو محصولاتو لپاره د نندارتون جوړېدل نه يوازې محصولاتو ته د بازار موندنې لپاره ښه زمينه برابروي، بلکې بڼوال او بزګران په اسانۍ سره خپلې غوښتنې او ستونزې تر مسوولینو رسولی شي.
د پکتيا پوهنتون د تعليم او تربيې پوهنځي شپيته کلن غلام حضرت هغه د اوږ عمر څښتن دی، چې سږ کال فارغ شو، هغه د فراغت پر لومړۍ ورځ دوه غوښتنې درلودې، لومړی يې له ځوانانو غوښتنه وکړه چې د زده کړو کولو لپاره ناوخته نه دی او ټينګار يې وکړ چې خپلو زده کړو ته بايد دوام ورکړي او هم يې له حکومت فارغ شويو کدرونو ته د کاري زمينې په برابرېدو غوښتنه وکړه.
د سویل ختیځ زون په ټولو ولايتونو کې په عام ډول د موټر پير او پلور، د حيواناتو او نورو وسایلو بېلابېلې مېلې په ځانګړو شويو ورځو کې جوړېدې چې د طالبانو له خوا يې په ترسره کیدو بنديز لګول شوی دی.
پکتیا کې سرچينې وايي، تېره شپه د دې ولایت په وزې ځدراڼ ولسوالۍ کې په يو کور غر ښويېدنه شوې چې د ښځو او ماشومانو په ګډون د يوې کورنۍ ۵ کسان په کې مړه شوي.
په خوست او پکتيا ولايتونو کې د لرګيو سوداګر وايي، د هوا په سړېدو په پکتيا سربېره لوګر او کابل کې د لرګيو اړتيا زياته شوې او په خبره يې چې په ورکړل شوې موده کې له اړتيا سره سم کافي اندازه انتقال نه دی شوی.