د نظر خاوندان په افغانستان کې د طالبانو له واکمنیدو را وروسته اقتصادي ننګونې، د کاري زمینو او دندو نشتوالی هغه لاملونه بولي، چې له کبله یې ځوانان هېواد پرېښودلو ته اړ کېږي.
د ننکرهار خلک د طالبانو له شته رژیم غوښتنه کوي، چې لوستي ځوانان دې پر دولتي دندو وګماري او نورو بې روزګاره ځوانانو ته دې د دایمي کار روزګار زمینه برابره کړي.
ارزګان کې هغه ځوانان چې لوستي دي او دا مهال بې دندو ګرځي وايي، چې د کار نشتوالي له امله د ذهني شکنجې او اقتصادي ستونزو سره لاس او ګرېوان دي.
یو شمیر ځوانان چې دولتي بستونو ته یې ازموینې ورکړي، وایي چې د مسلکي بست لپاره د مسلکي پوښتنو پرځای د دیني برخې پوښتنې راوړل کېږي، چې له امله یې زیات شمیر ځوانان له دندو پاتې شوي.
د نورستان په مرکز پارون کې د قومي مشر جمعه دین د معلوماتو له مخې د دغه ولایت په مرکز او ولسوالیو کې شاوخوا ۳ زره لوستي ځوانان بې دندې ګرځي او حکومتونو ورته کاري زمینې نه دي برابرې کړي.