دې څرګندونو په هيواد کې دننه او بهر د خلکو کلک غبرګونونه راپارولي او درې رنګه بيرغ يې د کوم نظام او شخص نه بلکې د هيواد ملي بيرغ بللی دی.
مجیبالرحمن په خپلو خبرو کې وویل، چې درې رنګه ملي بیرغ دوی ته مثبته انرژي ورکوي او په دوی کې شور او ولوله زېږوي.
د ارګون ولسوالۍ يو اوسېدونکي منور مبارز اطلاعات روز ته وويل، چې هټۍ والو او لاسي کراچۍ پلورونکو د ځايي طالبانو له غبرګون پرته ملي بيرغ را ايستلی او په خپلو دوکانونو يې ځوړند کړی دي.
د پکتیا ولایت اوسېدونکی سالم ځدراڼ وايي، د طالبانو له راتګ سره هيڅ مخالفت نه لري او نه يې هم چا مخالفت کړی دی، خو د نوموړي په وينا چې طالبان بايد د ميليونونو افغانانو غوښتنې ته احترام ولري او ملي بيرغ پر خپل ځای پرېږدي.