طالبان چې هر جنايت کوي، هغه ته ديني رنګ ورکوي. طالبان د هر حکم په ورکړې سره د هغه لپاره ديني دلايل را پيدا کوي او بيا – بيا يې ويلي دي چې د خدای او رسول د قانون پلي کولو لپاره مبارزه کوي
که د طالبانو او ملايانو ادبيات ولوستل شي، د دوی خبرې واورېدل شي او د دوی فرمانونه ولوستل شي، په دې ټولو کې دوی د ښځې په اړه يو مشترک روايت لري
هغه دا دی چې د دوی لپاره ښځه د فحشا سرچينه ده.
د طالبانو امربالمعروف او نهې عن المنکر وزارت ویلي، چې مسلمانو اصیلو او بالغو ښځو لپاره د « شرعي حجاب رعایت» کول فرض او ضروري دي او چادري د «حجاب» ترټولو بهترین ډول دی.
د کندهار ولايت د عامې روغتيا رياست يوه کارکوونکي د نوم نه یادولو په شرط اطلاعات روز ته وويل، چې ياده پرېکړه د طالبانو د امر بالمعروف او عامې روغتيا رياست مسوولینو د يوې ګډې ناستې په ترڅ کې کړې ده.
د لغمان اوسیدونکی منیژه هم د طالبانو وروستۍ پرېکړې غیر مسوولانه، له بشري حقونو ښکاره سرغړونه او وېروونکې بولي.