پخوا نېزه بازي د نوي کال او د کال په نورو ځانګړو ورځو او مېلو کې په جوش او جذبو تر سره کېده، خو اوږدو جګړو د بلې هرې برخې په څېر لوبو او مېلو ته هم سخت زيان واړاوه او له دې امله دا لوبه ډېر وخت ونشوه.
د پکتیا د اطلاعاتو او کلتور ريیس صلاح الدين سليس د ګردېز بالاحصار د جوړېدو تاريخ د کوشانیانو له دورې سره تړلی بولي او وايي د دې تاريخي کلا لوړه تپه د تاريخ د پاڼو په استناد کابو ۳۰۰۰ کاله او ترې چاپېر دېوال يا چارديوالي يې شاوخوا ۱۸۰۰ کاله لرغونتوب لري.