د اطلاعات او کلتور ریس وايي، له دې وړاندې په پکتیا کې د یونما یا UN په ګډون ۱۳ همکاره موسسې فعالیت درلود، چې څلور یې لاهم چارې نه دي پیل کړي.
د مرکز ګردېز اوسېدونکې نوراني همت وايي، په ښار کې د ښځینه وو لپاره د عامه کتابتون نه شتون له وجې زده کړیالانې نشي کولی، چې په شخصي کتابتونونو کې د خپلې خوښې کتابونه مطالعه کړي، هغه په دې برخه کې له اطلاعات او فرهنګ ریاست څخه غوښتنه کوي، چې ګردېز کې د ښځینه زده کړیالانو لپاره هم کتابتون جوړ کړي.