د ولسي جرګې مشر دغه خبرې نن (چهارشنبه، ۲۹ د غویي) د جرګې په عمومي غونډه کې په فاریاب کې د خلکو له خوا وروستي وسله وال لاریونونه اندېښمنوونکي وبلل او له حکومت، سیاسیونو او فاریاب کې له نورو چارواکو یې وغوښتل چې هر څه ژر د فاریاب «کړکېچن» حالت ته د پای ټکی کېږدي.
نوموړي په خپله فیسبوک پاڼه لیکلي چې د محمد داوود لغماني پر وړاندې فاریاب کې راپورته شوي مخالفتونه به د قومونو ترمنځ نفاق رامنځته کړي.