که څه هم ټولنيزو رسنيو کې ويل شوي چې د دغې شخړې د خلاصون پر مهال ځايي طالبانو ډزې کړي او دغه ځاني زيان يې رسولی، خو د څمکنيو ولسوالۍ لپاره د طالبانو مسوولينو ياده ادعا رد کړې او سيمه ييزو رسنيو ته يې ويلي چې دوی يوازې د شخړې هواري لپاره ورغلي وو.
د منګلو او څمکنیو قومونو اړوند د ستر کلي او کمکي ګرمي د کلیو ترمنځ د دې ستونزې هواري لپاره په تېر نظام کې هم ډېرې هڅې وشوې خو په هماغه مهال پکې قومي مشران مثبتې پایلې ته و نه رسېدل.