امریکا قۉشمه ایالتلری جمهور رییسی دونالد ترامپ «اران رسماً مغلوب بۉلگن و اۉلگن دولت» اېکنینی ایتدی.
او بوگون (دوشنبه،۹-سنبله) تروثسوشیال ترماغیده شوندهی یازدی: «اولرده حربي-دېنگیز، هوا کوچلری یۉق، ملي پولی یۉق، عسکرلر یاکه پولیس کوچلریگه معاش تۉلهمهیدی، تورم۳۰۰ فایزنی تشکیل اېتهدی و اولرنینگ رهبریتی بوتونلهی سراسیمهده همده مملکتنی تۉغری نمایندهلیک قیلیشگه قادر اېمس.»
امریکا قۉشمه ایالتلری جمهور رییسینینگ قۉشیمچه قیلیشیچه: «اولرده بار یگانه نرسه – اقش حقیدهگی ساخته خبرلر و اۉز نمایشچیلرینی اۉلدیریش ایستهگی. اولر حاضرگچه۱۰۰ مینگدن آرتیق آدمنی اۉلدیرگن.»
دونالد ترامپ سۉنگیده «اولر انسانیتگه قرشی حربي جنایتلری اوچون محکمه قیلینیشی کېرهک» دېب یازگن.
بو بیاناتلر ایران و امریکا اۉرتهسیدهگی سۉنگگی تۉقنهشوولرنینگ ینگی باسقیچی آرتیدن ینگرهگن.
امریکا مرکزي قوماندانلیگی سنتکام تیناوون کېچقورون هرمز بۉغازیدهگی تجاري کېمهلرگه نسبتاً یقینلشیب کېلهیاتگن تهدیدنینگ آلدینی آلیش مقصدیده ایراننینگ لارک آرالیدهگی نشانلرگه هجوم قیلگنینی معلوم قیلدی.
ایران اسلام انقلابی قۉریقچیلری اېسه اوشبو هجومگه جوابن ارودن و بیرلشگن عرب امیرلیکلریدهگی امریکا پایگاهلرینی نشانگه آلگنینی بیلدیردی.
