نفت نرخی بوگون (چهارشنبه، ۱ میزان) آمریکا جمهور رییسی دونالد ترامپ اونینگ حکومتی نمایندهلری بیرلشگن ملتلر تشکیلاتی ایران رسميلری بیلن «جوده یخشی مذاکرهلر» اۉتکزگنینی ایتگنیدن سۉنگ پهسهیدی.
فرانسه اخبارات آزانسی خبریگه کۉره، خلقارا میزان حسابلنگن برنت و امریکا نفتی نینگ اساسي کۉرسهتکیچی بۉلگن(دبلیوایآی)، نرخی ۱۰۰ دالردن پستلهدی. بو نرخ یقین شرقده فبروری آییده اوروش باشلنگنیدن بویان بیر نېچه بار ۱۰۰ دالردن آشگن اېدی.
آسیا بازارلریدهگی توشدن کېینگی سودالرده بیر بررېل برنت نفتی ۹۹.۳۰ دالرگه، wتی نفتی اېسه ۸۹.۹۳دالرگه توشدی.
ترامپ ژورنالیستلرگه امریکا و ایران اۉرتهسیدهگی اوچ ساعتلیک اوچرهشوو «جوده یخشی» و «جوده ثمرهلی» بۉلگنینی، شونینگدېک، «اولر یقین کېلهجکده ینه بیر اوچرهشوو اۉتکزیشنی رېجهلشتیرگنینی» ایتدی.
امریکا جمهور رییسی نینگ بو بیاناتلری او بمتدهگی نطقیده کتّه قرار آلدیده تورگنینی ایتگنیدن بیر نېچه ساعت اۉتیب ینگرهدی. او ایران بیلن کېلیشووگه اېریشیلمسه، «اسلام جمهوریتینی یۉق قیلیشینی و بونی تېزده عملگه آشیریشینی» آگاهلنتیردی.
امریکت و اسرایل هجوملری اوروشنی باشلهگنیدن قریب یېتّی آی اۉتیب، ایکّی تامان باشی بېرک کۉچهگه کیریب قالگن. ایران هرمز بۉغازینی یاپیق حالده اوشلب توریبدی، اقش اېسه ایران پورتلریگه قرشی اۉزارا بلاکدهنی عملگه آشیرماقده.
سعوديه عربستانی تامانیدن قۉللب-قوّتلنهدیگن حکومت کوچلری بیلن اېران تامانیدن قۉللب-قوّتلنهدیگن حوثيلر اۉرتهسیدهگی یمن ماجراسی هم قیزیل دېنگیز آرقهلی انرژی اېکسپورتی نینگ کمهییشیگه سبب بۉلماقده.
نفت نرخی نینگ پهسهییشی سعوديه عربستانی نینگ مهم نفت اېکسپورت یۉللریدن بیری بۉلگن شرق-غرب نفت قوووریدهگی فعالیت قَیته تیکلنگنی حقیدهگی خبرلر بیلن بیر پیتگه تۉغری کېلدی. مذکور قووور دران هجوملریدن کېین یاپیلگن اېدی.
بلاامبېرگ اگېنتلیگی بیر منبعگه تهیهنیب خبر بېریشیچه، سعوديه عربستانی اوشبو یۉنهلیش آرقهلی نفت اېکسپورتینی شو هفته نینگ آخریده قَیته باشلشنی رېجهلشتیرماقده.
بیراق سعوديه عربستانی نینگ آرمکا نفت کمپنیسی آسیادهگی نفتنی قَیته ایشلش فابریکه لریگه تېز آرهده قیزیل دېنگیزدهگی یهنبو پورتیدن خام نفت آلیشلری ممکنلیگینی بیلدیرگن بیر پیتده، بلاامبېرگ کمپنی اروپادهگی مزاجلریگه اکتوبر آییده اولرگه نفت اجرهتیلمسلیگینی معلوم قیلگنینی خبر قیلدی.
