اسرایل اوردوسی «محمد ابو علوان» حماسنینگ مالیه ایشلری اوچون مسوول شخصی بو مملکت کوچلری تامانیدن اویوشتیریلگن هجومده اۉلدیریلگنینی معلوم قیلدی.
اسرایل اوردوسی بیاناتیده ایتیلیشیچه، حماسنینگ اوشبو رسميسی تیناوون (چهارشنبه، ۱ میزان) غزه سکتورینینگ جَنوبیدهگی خان یونس شهریده اۉلدیریلگن.
اسرایل اوردوسی ابو علوان اۉن ییلدن بېری حماس بیلن همکارلیک قیلیب کېلگنی و مالیه ساحهسیده اوشبو گروهنینگ برچه بۉلیملری و توزیلمهلری بودجهسینی شکللنتیریش اوچون مسوول بۉلگنینی بیلدیرگن.
اسرایل اوردوسینینگ دعواسیگه کۉره، غزه اوروشی دوامیده ابو علوان باشقروویده ۱میلیارددن آرتیق شِکِل(اسرایل پول بیرلیگی)، یعنی قریب ۳۳۰ میلیون دالر مبلغ اۉتکزیلگن. بو مبلغ حماسنینگ باشقرووینی سقلب قالیشی و فعالیتینی دوام اېتتیریشیده مهم رۉل اۉینهگن.
حماس حاضرگچه اۉزینینگ مالیه ایشلری اوچون مسوول شخصی نینگ اۉلدیریلگنی یوزهسیدن ایضاح بېرمهگن.
اسرایل غزه اوروشی ۲۰۲۳-ییل ۷-اکتوبرده باشلنگنیدن بویان حماسنینگ کۉپلب رهبرلری و حربي قوماندانلرینی اۉلدیرگن.
ایکّی تامان اۉتگن ییل ۹-اکتوبرده امریکا واسطهچیلیگیده مصرنینگ شرمالشیخ مصر شهریده صلح بیتیمینی امضالهگن اېدی. بیراق شوندن بویان تامانلر بیر-بیرینی صلحنی بوزیشده عیبلب کېلماقده و اسرایلنینگ غزهگه هجوملری هم دوام اېتماقده.
