تیناوون (جمعه، ۳ میزان) اسپانیا نینگ کاتالونیا منطقهسیدهگی بیر گروه پارلمان وکیللری و رسميلری اشتراکیده افغانستان نینگ سابق قیرالی عبدالرحمن تامانیدن هزارهلر قیرغینی صادر اېتیلگنینینگ ییللیگی مناسبتی بیلن خاطره مراسمی اۉتکزیلدی.
اوشبو مراسم ۲۵-سپتامبر کونی هزاره جماعهسی وکیللری و فعاللری تامانیدن «آلباردا» مدنیت مرکزیده تشکیل اېتیلدی.
«سوسیالیستلر و ترقیات اوچون اتفاقچیلر» پارلمان گروهی رئیسی اۉرینباسری سارا ژاوریتا گوئنر سوسیالیستیک حزب هزارهلر قیرغینینی تن آلیش مسألهسینی کاتالونیا پارلمانی، اروپا اتفاقی پارلمانی و «مادرید کانگرسی»دهگی وکیللری آرقهلی ایلگری سوریشینی ایتدی.
بارسلونا شهدارلیک رسميلریدن بیری ریچارد سانچز خیمنس هم مراسمده نطق سۉزلب، هزاره جماعهسینی قۉللب-قوّتلشینی تأکیدلهدی.
او مراسمده: «حزارهلرنی قۉللب-قوّتلش — انسان حقوقلرینی قۉللب-قوّتلشدیر»، دېدی.
اسپانیا و اروپا نینگ بیر قطار دولتلریدن کېلگن هزاره جماعهسی وکیللری، شونینگدېک، کاتالونیا پارلمانینینگ بیرینچی اۉرین باسری «راکل سانس گوئرا»، همده کاتالونیا جمهوریت سۉل حزبی وکیلی جولی فرناندس اولیوارس بیلن علیحده اوچرهشیب، «هزاره جماعهسی نینگ تاریخي و حاضرگی حالتی، اېتنیک و دیني کمسیتیش، عیاللر و قیزلر حالتی، تینچ اهالیگه قرشی هجوملر، تعلیم، یېرلرنی مصادره قیلیش و هزارهلر نینگ مجبوري کۉچیریلیشی» حقیده صحبتلشدیلر.
اولر افغانستاندهگی هزارهلر حالتی اوزاق ییللیک زۉرآورلیک، کمسیتیش و محروم اېتیش تاریخینینگ بیر قِسمی صفتیده کۉریب چیقیلیشی، هزارهلر قیرغینی تن آلینیشی همده خلقارا همجمعیت تامانیدن هزارهلرگه قرشی هجوملرنینگ آلدینی آلیش اوچون چارهلر کۉریلیشینی طلب قیلدیلر.
کاتالونیا پارلمانینینگ بیرینچی اۉرین باسری طالبلر نظارتی آستیدهگی افغانستانده انسان حقوقلری و هزارهلر حالتیدن خواطر بیلدیرگن همده هزاره جماعهسی وکیللرینینگ طلبلرینی پارلمان وکالتلری دایرهسیده کۉریب چیقیب، اولرنی ایلگری سوریشینی ایتگن.
او هزارهلر مسألهسینی اروپا درجهسیده کۉتریش و هزارهلر قیرغینی مسألهسینی شو درجهده محاکمه قیلیش بۉییچه سعی-حرکتلر حقیده گپیریب، بو بارهدهگی تدبیرلر نینگ تفصیلاتلری کېینگی جریانلرده انیقلنیشینی بیلدیرگن.
کاتالونیا پارلمانی نینگ سۉل حزبیدندن بۉلگن اعضاسی فرناندس اولیوارس هزاره وکیللری بیلن اوچرهشووده هزارهلر حالتینی کاتالونیا پارلمانیدهگی باشقه حزبیلر بیلن هم محاکمه قیلیشینی ایتگن.
هزاره فعاللری، شونینگدېک، کاتالونیا پارلمانیده هزارهلر قیرغینی بۉییچه آچیق مجلس اۉتکزیش، هزاره خلقی نینگ حالتینی محاکمه قیلیش همده اسپانیا کانگرسی و اروپا پارلمانی وکیللری بیلن ملاقات قیلیش اوچون امکانیت یرهتیشنی طلب قیلدیلر.
هزاره فعاللری هر ییلی ۲۵-سپتامبر کونینی افغانستان نینگ سابق قیرالی عبدالرحمن تامانیدن هزارهلر قیرغینی صادر اېتیلگنی نینگ ییللیگی صفتیده خاطرلهیدیلر.
تاریخي معلوماتلرگه کۉره، ۱۸۹۲-ییل ۲۳-سپتمبرده عبدالرحمن کوچلری هزارهلر نینگ قرشیلیک کۉرسهتیشینینگ سۉنگگی چیزیقلرینی مغلوب اېتگچ، اوروزگنگه کیریب، هزارهلرنی قیرغین قیلیش، قوللیککه آلیش همده اولر نینگ مال-ملکی و یېرلرینی اېگهللشگه کیریشگن.
تاریخي حجتلر و روایتلرگه کۉره، عبدالرحمن قۉشینلرینینگ هزارهلرنینگ ۶۲ فایزی سیاست لرنینگ قربانی بولدی.
