ایران اسلام انقلابی قۉریقچیلری کارپوسی امریکا قۉشینلری‌نینگ عراقدن چیقیب کېتیشینی «کتّه و تاریخي اهمیتگه اېگه واقعه همده قرشیلیک جبهه‌سی اوچون اولکن یوتوق» دېب بهالب، بونی آلقیشله‌گن.
«صدا و سیما» خبریگه کۉره، ایران اسلام انقلابی قۉریقچیلری کارپوسی‌نینگ بوگون (پنج‌شنبه، ۹-میزان) نشر قیلینگن بیاناتیده ایتیلیشیچه، عراق خلقی امریکانینگ بو مملکت اقتصادی و نفت ساحه‌سیگه اره‌لشوویگه هم برهم بېریشی همده اۉزی اوچون یارقین کېله‌جک یره‌تیشی شبهه‌سیز.
ایران اسلام انقلابی قۉریقچیلری قۉشیمچه قیلگن: «امریکا هېچ قچان ایشانچلی ته‌یه‌نچ بۉلمه‌گن و بۉلمه‌یدی هم. میدانده‌گی حقیقت و واقعلیکلر امریکا کېته‌دیگن دولت اېکنینی کۉرسه‌تماقده. عیناً خلقلر اۉز مملکتلرینی قوریشلری کېره‌ک.»
امریکا تیناوون عراقده ییگیرمه ییلدن آرتیق دوام اېتگن حربي اشتراکینی یکونله‌گنینی معلوم قیلیب، قۉشینلری و حربي تخنیک‌لری مملکتدن تۉلیق آلیب چیقیلگنینی بیلدیردی. اوشبو چیقیش عراق حکومتی بیلن توزیلگن کېلیشوو اساسیده عملگه آشیریلگن.
ایران اسلام انقلابی قۉریقچیلری اوشبو واقعه‌گه مناسبت بیلدیریب، «امریکانینگ عراقدن چیقریب یوباریلیشی اونینگ بوتون غربي آسیا و مسلمان امتی جغرافیه‌سیدن چیقریب یوباریلیشی‌نینگ دېباچه‌سی اېکنینی قطعي ایتیش ممکن»، دېیه تأکیدله‌گن.
ایران اسلام انقلابی قۉریقچیلری بیاناتیده «امریکا منطقه‌نی ترک اېتیشی و خوفسیزلیکنی باشقریشنی خلقلرنینگ اۉزیگه تاپشیریشی کېره‌ک»، دېب تأکیدلنگن.
کارپوس‌نینگ ایتیشیچه، «ییگیرمه ییللیک باسیب آلیش تجربه‌سی امریکانینگ موجودلیگی نه‌فقط خوفسیزلیکنی تأمینله‌مه‌گنینی، بلکه اونینگ اۉزی غربي آسیاده بې‌قرارلیک، تروریزم و خوفسیزلیککه تهدید منبعی بۉلگنینی کۉرسه‌تدی».
ایران امریکا و اسرایل بیلن اوروش باشلنگنیدن سۉنگ بیر نېچه بار امریکا قۉشینلری‌نینگ غربي آسیا و منطقه مملکتلریدن چیقیب کېتیشینی طلب قیلگن.
ایران اسلام انقلابی قۉریقچیلری هم بیر نېچه بار منطقه مملکتلرینی امریکانینگ بو دولتلرده‌گی موجودلیگی اولرگه خوفسیزلیک و برقرارلیک آلیب کېلمسلیگی حقیده آگاهلنتیرگن.
ایران اوشبو مملکتگه امریکا و اسرایل هجوملری باشلنگنیدن سۉنگ بیر نېچه بار منطقه مملکتلریگه هجوم قیلیب، امریکاگه تېگیشلی بازه‌لر و تاسیساتلرنی نشانگه آلگنینی دعوا قیلگن.
