یمن‌نینگ حوثيلری تامانیدن سعوديه عربستانیده‌گی ریاض شهریده‌گی قیرال خالد خلق‌ارا هوا میدانیگه اویوشتیریلگن سۉنگگی هجوملر و خوفسیزلیک باره‌سیده‌گی خواطرلر‌نینگ کوچه‌ییشی آرتیدن بیر قطار منطقوي و خلق‌ارا هوا یوللری شرکتی سعوديه عربستانیگه پروازلرینی بېکار قیلدی یاکه وقتینچه توخته‌تدی.
رویترز اخبارات آژانسی خبریگه کۉره، قیرال خالد خلق‌ارا میدانی حوثیلر نینگ یقینده اویوشتیرگن ایکّی هجومیدن سۉنگ یاپیلگن. اوشبو هجوملرده کمیده ۱۴ کیشی هلاک بۉلگن، قریب ۳۲۰کیشی جراحتلنگن.
مذکور وضعیت سعوديه عربستانی نینگ ایچکی و خلق‌ارا پروازلر جدولیده «کېنگ کۉلملی اوزیلیشلر»گه سبب بۉلگن.
بیرلشگن عرب امیرلیگی‌نینگ شرکتلری ابو ظبیدن ریاضگه پروازلرینی ۱۹ـ اکتوبرگچه، جدده و دَمام شهرلریگه پروازلرینی اېسه ۱۴ـ اکتوبرگچه توخته‌تگن.
«قتر هوا شرکتلری» ریاض و دمامگه پروازلرینی وقتینچه توخته‌تدی. «فلای‌دبی» و «ایر عربیه» کمپنیلری هم دبی و شارجه‌دن ریاضگه عملگه آشیریله‌دیگن اَیریم رېیسلرنی بېکار قیلدی.
شو بیلن بیرگه، آلمان نینگ «لوفت هانزا» هوا یوللر شرکتی ریاضگه برچه پروازلرینی ۱۶-اکتوبرگچه توخته‌تدی. «ایر فرانس» و «کلم» اېسه سعوديه عربستانی پایتختیگه پروازلرنی توخته‌تیش مدتینی اکتوبر آیی‌نینگ آخریگچه اوزه‌یتیردی.
هندستان‌نینگ «ایندیگو» هوا یوللری شرکتی ریاض و دَمامگه پروازلرینی ۱۵-اکتوبرگچه بېکار قیلدی. «ایر ایندیا» هم ریاض.گه پروازلرنی توخته‌تیش مدتینی شو سنه‌گچه اوزه‌یتیردی. هندستان نینگ «اکساایر» کمپنیسی اېسه جدده و ریاضگه پروازلرینی ۱۳-اکتوبرگچه توخته‌تدی.
بهره‌ین نینگ «گُلف ایر» هوا یوللری هم ۱۲–۱۷-اکتوبر کونلری ریاضگه باریش-کېلیش رېیسلرینی بېکار قیلدی.
«فیلیپین ایرلاینز» ریاضگه پروازلرنی توخته‌تیش مدتینی ۲۹-نوامبرگچه اوزه‌یتیردی.
شونینگدېک، «کاتای پسیفیک» هنگ نگ–ریاض و هنگ‌نگ–دبی یۉنه‌لیشلریده پروازلرنی قَیته باشلشنی ۲۰۲۷-ییل ۳۱-جنوریگچه کېچیکتیریشینی معلوم قیلدی. «دېلته» اویه‌کامپه‌نيه‌سی اېسه اتلنته–ار-رياد رېیسلرینی باشلشنی 2027-ییل مرتیگچه کېچیکتیردی.
«گُلف» نشری اعلان قیلگن معلوماتلرگه کۉره، ۱۲-اکتوبر حالتیگه ریاض جدده و دمامده‌گی اوچته ییریک میدانده قریب ۱ مینگ ۵۰ك ته رېیس بېکار قیلینگن. شوندن ۴۳۶ته‌سی ریاض میدانیده‌گی رېیسلرگه تۉغری کېله‌دی.
عینِ پیتده یمن حوثيلری دنیا نینگ برچه هوا یوللر شرکتینی سعوديه عربستانی نینگ اېر‌پورتلری و هوا حدودیدن فایده‌لنیشدن آگاهلنتیردی. اوشبو گروه مکه و مهگدینه شهرلری هوا حدودیدن تشقری سعوديه عربستانی نینگ قالگن هوا حدودینی «حربي عملیاتلر حدودی» دېب اعلان قیلگن.
