«نیو ساوت ولز» ایالتی پارلمانی قطعنامه قبول قیلیب، افغانستان نینگ سابق پادشاهی عبدالرحمن خان تامانیدن هزاره‌لرگه نسبتاً عملگه آشیریلگن نسل‌کشلیکنی رسماً تن آلدی.ج
اوشبو قطعنامه بوگون (پنج‌شنبه، ۲۳ میزان) قانونچیلیک کېنگشی اعضاسی آنتونی د. آدام تامانیدن ایلگری سوریلگن «۳۷۷۳-سانلی پیشنهاد» اساسیده قبول قیلیندی.
قطعنامه‌ده ۲۵-سپتمبر سنه‌سی آسترلیانینگ نیو ساوت ولز ایالتیده «هزاره‌لر نشلکشلیگینی خاطرلش کونی» صفتیده بېلگیلندی.
نیو ساوت ولز پارلمانی اعضالری آسترلیا فدرا‌ل حکومتیدن هم هزاره‌لر نسلکشلیگینی رسماً تن آلیش و اونی قاره‌لشنی سۉره‌گن.
آنتونی د. آدام اۉز تکلیفیده «افغانستانده هزاره‌لر نسل‌کشلیگی ۱۸۸۸–۱۸۹۳-ییللر آره‌لیغیده صادر بۉلگن. بو دورده افغانستان حکمداری امیر عبدالرحمن خان هزاره خلقیگه قرشی زۉرآورلیک کمپنیلرینی باشله‌گن»، دېب تأکیدله‌گن.
او ینه شونده‌ی دېگن: «بو حرکتلر هزاره اهالیسی نینگ ۶۰ فایزدن آرتیغی قیرغین قیلینیشیگه، ینه جوده کۉپ سانلی هزاره‌لرنینگ مجبورن کۉچیریلیشی و قوللیککه سالینیشیگه آلیب کېلگن».
نیو ساوت ولز قانونچیلیک کېنگشی اعضاسی، نسل کشلیکد کېین هزاره‌لر تیزیملی تعقیب، قیرغینلر، مقصدلی جنسي زۉرآورلیک، قوللیک، دیني کمسیتیش و مجبوري کۉچیریلیشگه دوچ کېلگنینی، بو حالتلر بوگونگی کونگچه دوام اېته‌یاتگنینی بیلدیرگن.
اونینگ ایتیشیچه، طالبلر افغانستانده حاکمیتنی قَیته اېگه‌لله‌گنیدن و «اسلامي دولت» نینگ خراسان بۉلینمه‌سی فعالیتی کېنگه‌یگنیدن بېری هزاره‌لرگه قرشی هجوملر ینه کوچه‌یگن.
او نیو ساوت ولز پارلمانیگه ۲۵-سپتمبرنی «هزاره‌لر نینگ قاره کونی» صفتیده تن آلیشنی تکلیف قیلگن. بو سنه هزاره‌لر نسل‌کشلیک ییللیگی صفتیده یادگه آلینیب، قربانلر خاطره‌سی اعزازلنه‌دی.
آنتونی د. آدام شونینگدېک، هزاره‌لر نسل‌کشلیگی، اولر نینگ دوام اېته‌یاتگن تعقیب قیلینیشی، باشقه آزچیلیک گروهلرنینگ ظلمگه اوچره‌شی همده طالبان تامانیدن افغانستان عیاللریگه نسبتاً آلیب باریله‌یاتگن تضییقلرنی قاره‌لشگه چقیرگن.
نیو ساوت ولز پارلمانی اوشبو تکلیفنی معقوللب، بوگون اونی شتات درجه‌سیده «رسمي قطعنامه» صفتیده قبول قیلدی و آسترلیا نینگ اوشبو ایالتی پارلمانی یوقاری پله‌ته‌سی نینگ رسمي پازیتسيه‌سی صفتیده اعلان قیلدی.
بوندن آلدین آسترلیا یشیللر حزبی هم افغانستانده هزاره‌لر نسلکشلیگینی رسماً تن آلیش حقیده‌گی چقیریقلرنی قۉللب-قوّتله‌گن اېدی.
هزاره فعاللری هر ییلی ۲۵-سپتمبرنی افغانستان نینگ اۉشه دورده‌گی حکمداری عبدالرحمن خان تامانیدن هزاره‌لرگه قرشی عملگه آشیریلگن نسل کشلیگگک ییللیگی صفتیده خاطرله‌یدیلر.
تاریخي معلوماتلرگه کۉره، ۱۸۹۳-ییل ۲۵-سپتمبرده عبدالرحمن‌خان قۉشینلری هزاره‌لر نینگ سۉنگگی قرشیلیک چیزیقلرینی مغلوب اېتگنیدن سۉنگ ارزگان حدودیگه کیریب، هزاره‌لرنی قیرغین قیلیش، قوللیککه سالیش همده اولر نینگ مال-ملکی و یېرلرینی اېگه‌للشنی باشله‌گن.
تاریخي حجتلر و روایتلرگه کۉره، عبدالرحمن‌خان قۉشینلری‌نینگ هزاره‌لرگه قرشی حرکتلری بیر نېچه ییل دوام اېتگن و هزاره خلقی نینگ ۶۳ فایزی اوشبو سیاست قربانیگه ایلنگن.
هزاره فعاللری، شونینگدېک، طالبلر نینگ بیرینچی حاکمیتی دوریده هزاره‌لرگه قرشی عملگه آشیریلگن زۉرآورلیکلر، سۉنگگی ییگیرمه ییل دوامیده هزاره جماعه‌سیگه قرشی اویوشتیریلگن هجوملر همده طالبلر نینگ بوگونگی سیاستی هزاره‌لرگه نسبتاً مقصدلی تعقیب و نسل کشلیک نینگ دوام اېته‌یاتگنینی انگله‌تیشینی تأکیدله‌یدیلر.
