«بریتانیا دېنگیز سودا عمایاتلری مرکزی» فارس کۉرفزیده سعوديه عربستانی ساحللری یقینیده بیر نفت تانکری هجومگه اوچره‌گنینی معلوم قیلدی.
اوشبو تشکیلات بوگون (شنبه، ۲۵ میزان) نشر قیلگن بیاناتیده ایتیشیچه، مذکور نفت تانکری کېچه سعوديه عربستانی نینگ شِمالی-شرقیده‌گی جبیلدن ۱۲۶ کیلومتر اوزاقلیکده نامعلوم سنارید نشانیگه ایلنگن.
«بریتانیا دېنگیز سودا عمایاتلری مرکزی» نینگ قۉشیمچه قیلیشیچه، تانکر نینگ برچه اېکیپاژ اعضالری ساغ-سلامت و اولر کېمه‌دن خوفسیز جایگه آلیب چیقیلگن.
حاضرچه اوشبو حادثه‌‌نینگ اطراف-محیطگه تأثیری حقیده هېچ قنده‌ی معلومات اعلان قیلینمه‌گن.
بو آره‌ده، بوگون اېرته‌لب اسلام انقلابی قۉریقچیلری کارپوسی نینگ حربي-دېنگیز کوچلری هرمز بۉغازیده ینه بیر نفت تانکریده پارتلش صادر بۉلگنینی معلوم قیلدی. کارپوس بیاناتیگه کۉره، قریب ایکّی میلیون بررېل خام نفت سیغیمیگه اېگه بۉلگن اوشبو تانکر رخصت اېتیلمه‌گن یۉنه‌لیش بۉیلب حرکتلنه‌یاتگنده دېنگیز ماینگه اوریلگن و پارتلشدن سۉنگ یانغین چیققن.
