تهران تجارت-صناعت اتاقی‌نینگ ترانسپورت کمیسیونی رئیسی پیمان سنمدجي اېران‌نینگ پاکستانگه صادراتی بانک چېکلاولری سببلی وقتینچه توخته‌گنینی، عکسینچه، پاکستاندن ایرانگه وارد قیلیش دوام اېته‌یاتگنینی ایتدی.
او «مِهر» اخبارات آژانسی بېرگن صحبتیده ایران و پاکستان اۉرته‌سیده‌گی چېگره اۉتیش بندرلریدن بیری نینگ یاپیلگنی حقیده‌گی دعوانی رد اېتیب، ایران و پاکستان اۉرته‌سیده‌گی قوروقلیک آرقه‌لی تجارت اوچون عمومي چېگره یاپیلمه‌گنینی ایتدی. بیراق پاکستانلیک ایمپورتچیلر ایراندن آلیب کیره‌یاتگن یوکلری اوچون الکترون ایمپورت شکلینی اۉزلری نینگ بانک تیزیمیگه تقدیم اېتیشلری کېره‌ک.
سنندجي شونده‌ی دېدی: «ایران بانکلری و مملکت بانک تیزیمیگه نسبتاً قۉللنه‌یاتگن چېکلاولر طفیلی بو جریاننی عملگه آشیریش قیینلشگن. بو اېسه ایران نینگ پاکستانگه صادراتی همده یوکلرینی ایراندن خرید قیله‌یاتگن پاکستانلیک ایمپورتچیلر اوچون معمالرنی یوزه‌گه کېلتیرگن.»
او، شونینگدېک، پاکستاندن ایرانگه صادراتنی دوام اېتتیریش امکانیتی سقلنیب قاله‌یاتگنینی ایتیب، بو جریاننی دوام اېتتیریش باره‌سیده پاکستان تامانی قنچه‌لیک همکارلیک قیلیشگه تیار اېکنینی انیقلش کېره‌کلیگینی تأکیدله‌دی.
تهران تجارت-صناعت- اتاقی نینگ ترانسپورت کمیسیونی رئیسی اېران بانک تیزیمیگه نسبتاً چېکلاولر طفیلی یوزه‌گه کېلگن چېکلاولر دوام اېتسه و ضرور بانک جریانلرینی عملگه آشیریش امکانی بۉلمه‌سه، ایران نینگ پاکستانگه اېکسپورتی عملده توخته‌ب قالیشینی قۉشیمچه قیلدی.
ایران امریکا تامانیدن دېنگیز بلاکده‌سی و کېنگ قمراولی چېکلاولرگه دوچ کېلماقده.
یقینده امریکا و اسرایل ایراننی قوروقلیک آرقه‌لی هم بلاکده قیلیش رېجه‌سینی کۉریب چیقه‌یاتگنی حقیده خبرلر ترقه‌لگن اېدی.
