پاکستان اوردوسی و قوراللی کوچلری قوماندانی عاصم منیر ایران رسميلری بیلن اوچره‌شیش و مذاکره‌لر اۉتکزیش اوچون اوشبو مملکت پایتختی تهرانگه کېلدی.
پاکستان ایچکی ایشلر وزیری محسن نقوی اوشبو سفرده عاصم منیرگه همراهلیک قیلماقده.
تسنیم اخبارات آژانسی اوّلراق پاکستان اوردوسی قوماندانی ایران رسميلری بیلن ایکّی تامانله‌مه مسأله‌لر همده ایران و امریکا اۉرته‌سیده‌گی اوروش یوزه‌سیدن مذاکره‌لر اۉتکزیشی رېجه‌لشتیریلگنینی خبر قیلگن اېدی.
پاکستان ابران و امریکا اۉرته‌سیده‌گی مذاکره‌لرده اساسي واسطه‌چی حسابلنه‌دی. پاکستان رسميلری‌نینگ سعی-حرکتلری بیلن ایکّی تامان «اسلام آباد کیلیشووی» امضاله‌گن اېدی. بیراق کۉپ اۉتمه‌ی، تامانلر بیر-بیرینی اوشبو کېلیشوونی بوزگنلیکده عیبلب، حربي تۉقنه‌شوولرنی قَیته باشله‌دی.
بو عاصم منیر نینگ ایران و امریکا اۉرته‌سیده واسطه‌چیلیک قیلیشگه اورینیشلر باشلنگنیدن بویان تهرانگه بېشینچی سفری حسابلنه‌دی.
او تهرانگه اوّلگی سفرینی ۲-سنبله کونی عملگه آشیرگن اېدی. اۉشه‌نده او ابران جمهور رییسی مسعود پزشکيان، ملي خوفسیزلیک عالي کېنگشی کاتبی محسن رضايی پارلمان رئیسی محمد باقیر قالیباف، تشقی ایشلر وزیری عباس عراقچی و ایچکی ایشلر وزیری اسکندر مومني بیلن اوچره‌شگن اېدی.
