بویوک بریتانیا مدافعه وزیرلیگی سعوديه عربستانینی یمن‌نینگ حوثيلری تامانیدن اویوشتیریله‌یاتگن راکت و درون هجوملریدن حمایه قیلیش بۉییچه حربي کۉمکنی کوچه‌یتیریشینی همده «تایفون» قیرووچی اوچاقلرینی اوشبو مملکتگه یوباریشینی معلوم قیلدی.
«تلگرام» نشری‌نینگ خبر بېریشیچه، وزیرلیک بوگون (سه‌شنبه، ۲۷-میزان) اوشبو قیرووچی اوچاقلر مدافعه ماموریتینی بجریشینی و سعوديه عربستانیده‌گی شهرلر همده تاسیاتلرنی حوثيلر هجوملریدن حمایه قیلیشگه یاردم بېریشینی بیلدیرگن.
بویوک بریتانیا مدافعه وزیرلیگی، شونینگدېک، حربي تخنیک‌لرنی سعوديه عربستانی حدودیده تشیشگه کۉمکلشیش اوچون بیرته «ای ۴۰۰ ام» روسوملی ترانسپورت اوچاقی و بیر گروه حربي خدمتچیلرنی اجره‌تیشینی معلوم قیلگن.
بویوک بریتانیا مدافعه وزیری وس استریتینگ نینگ ایتیشیچه، «بو چاره حاضرده حوثيلرنینگ هوا هجوملریدن مدافعه قیلیش اوچون اوشبو مملکتده (سعوديه عربستانیده) جایلشتیریلگن بریتانیایک تخنیک و حربي خدمتچیلر اشتراکیده‌گی موجود ماموریتن‌ینگ دوامیدیر».
او حوثیلر نینگ سعوديه عربستانیگه قرشی هجوملرینی «جیرکنچ» دېب اته‌ب، ریاض خلق‌ارا میدانیگه قیلینگن هجوم اوشبو گروه منطقه‌ده‌گی کېسکینلیکنی قنچه‌لیک کوچه‌یتیریشگه اینتیله‌یاتگنینی کۉرسه‌تیشینی تأکیدله‌گن.
سۉنگگی پیتلرده یمن‌نینگ حوثیلری و سعوديه عربستانی اۉرته‌سیده‌گی ماجرا کوچه‌یگن. حوثيلر سۉنگگی هفته‌لرده سعوديه عربستانیده‌گی هوا میدانلری و نفت تاسیساتلریگه قرشی کۉپلب راکت و درون هجوملرینی عملگه آشیرگن.
حوثيلرنینگ سعوديه عربستانیده‌گی خلق‌ارا هوا میدانی اویوشتیرگن هجوملریدن بیریده کمیده ۱۲ کیشی هلاک بۉلگن، ۳۰۰ دن آرتیق کیشی اېسه یره‌لنگن.
