ایران قوراللی کوچلری باشلیغی علی عبداللهي امریکا جمهور رییسی دونالد ترامپ امریکا حربي کېمه‌لری نینگ فارس کۉرفزیگه کیریشینی آرزو قیلگن حالده قبرگه کېتیشینی ایتیب، آگاهلنتیردی.
عبداللهي ایران علامه‌وی اختیارات واسطه‌لری بوگون (شنبه،۲ عقرب) نشر قیلگن بیاناتیده ایران بوندن بویان امریکا حربي کېمه‌لری‌نینگ ینه فارس کۉرفزیگه کیریشیگه یۉل قۉیمسلیگینی ایتگن.
«ایسنا» اخبارات آژانسی خبریگه کۉره، عبداللهي شونده‌ی دېگن: «امریکا جمهور رییسی اۉز حربيلری و اوردوسی نینگ ینه فارس کۉرفزیگه کیریشینی توشیده کۉریشی کېره‌ک. اولر بو آرزوسینی ابدي قبرگه آلیب کېته‌دیلر.»
ایران قوراللی کوچلری باشلیغی قۉشیمچه قیلگن: «بیز هېچ قنده‌ی شرایطده و هېچ قچان امریکا نینگ حربي کېمه‌لری‌نینگ فارس کۉرفزیگه کیریشیگه یۉل قۉیمه‌یمیز.»
اونینگ دعوا قیلیشیچه، آمریکا حربي-دېنگیز کوچلری اېندی فارس کۉرفزی اطرافیده‌گی دېنگیزلر و اېران نینگ حدودي سوولریگه یقینلشه آلمه‌یدی.
اېران اسلام انقلابی قۉریقچیلری سوزلاوچیسی حسین محبی هم اۉتگن هفته امریکا حربي کېمه‌لری هرمز بۉغازیدن تخمیناً ۶۰۰–۷۰۰ کیلومتر اوزاقلشگنینی دعوا قیلگن اېدی.
بو آره‌ده امریکا جمهور رییسی دونالد ترامپ ایران نینگ هوا کوچلری، حربي-دېنگیز کوچلری و راکت صلاحیتینی یۉق قیلگنینی، هرمز بۉغازی اېسه امریکا اوردوسی نظارتی آستیده اېکنینی اَیتماقده.
او کېچه ایران سیاسي کېلیشووگه راضی بۉلمه‌سه، ینگی حربي عملیات باشلنیشی حقیده آگاهلنتیرگن.
