ایران عامهوي اخبارات واسطهلری خبرنینگ بېریشیچه، بوگون تانگده (چهارشنبه، ۱۷-سرطان) امریکا تامانیدن اویوشتیریلگن هجوملرده ایران اوردوسینینگ سکّیز اعضاسی اۉلدیریلگن.
صدا و سیما خبریگه کۉره، ایران اوردوسی جماعتچیلیک بیلن علاقهلر باشقهرمسی هلاک بۉلگنلر هوا و دېنگیز کوچلری خادملری بۉلگنینی، اولر امریکانینگ بندر عباس و بندر بوشهرگه اویوشتیرگن هجوملری عاقبتیده هلاک بۉلگنینی معلوم قیلگن.
ایران اوردوسی «دشمنلرگه قرشی آخرگی نفسگچه قرشیلیک کۉرسهتیشینی» تأکیدلب، هلاک بۉلگن حربيلرنینگ قانی اوچون قصاص آلیشینی بیلدیرگن.
امریکا ایراننی هرمز بۉغازیده تجارت کېمهلریگه هجوم قیلیشده عیبلب، بوگون تانگده مملکت نینگ جَنوبي حدودلریگه ضربهلر بېرگن.
اېران اسلام انقلابی قۉریقچیلری (سپاه) اېسه اوشبو هجوملرگه جوابن فارس کۉرفزیدهگی امریکا حربي بزهلریگه ضربه بېرگنینی معلوم قیلگن.
بو پاکستان واسطهچیلیگیده امضالنگن اوروشنی یکونلش بۉییچه امضالنگن شرطنامهدن کېین ایران و امریکا اۉرتهسیدهگی اېنگ سۉنگگی تۉقنهشوو حسابلنهدی.
تامانلر بوندن آلدین هم بیر-بیریگه قرشی هجوملر اویوشتیرگن، بیراق کېینچهلیک کېلیشوونی عملگه آشیریش یوزهسیدن مذاکرهلرنی دوام اېتتیریش اوچون ینه مذاکره چوکیسیگه قَیتگن اېدی.
