امریکا قۉشمه ایالتلرینینگ جمهور رییسی دونالد ترامپ مأموریتی نینگ۷۵ مملکت یشاوچیلریگه مهاجرتی ویزه بېریشنی تعقیقلش قراری فدرال محکمه تامانیدن بېکار قیلیندی.
سیانان خبریگه کۉره، محکمه جمعه کونی ۳۰اسد اوشبو سیاست «قانونگه ضد» اېکنینی و امریکا تشقی ایشلر وزیرلیگی مارکو روبیونینگ قانوني صلاحیتلریدن تشقریده اېکنینی تأکیدلب، قرار چیقرگن.
امریکا تشقی ایشلر وزیرلیگی جنوری آییده دنیا مملکتلری نینگ قریب۴۰ فایزی، جملهدن افغانستان یشاوچیلریگه مهاجرتی ویزهلر بېریشنی تۉختهتگن اېدی.
تشقی ایشلر وزیرلیگی بو چارهدن مقصد «اجتماعي یاردم و دولت امتیازلریدن» فایدهلنیشی ممکن بۉلگن شخصلرنینگ مملکتگه کیریشینینگ آلدینی آلیش اېکنینی بیلدیرگن.
منهتن منطقهسی فدرال بۉلگهسی ژانت وارگاس تشقی ایشلر وزیرلیگینینگ اوشبو سیاستنی عملگه آشیریش اوچون کېلتیرگن اساسلرینی قبول قیلمهدی و فقط شو سیاست اساسیده رد اېتیلگن برچه ویزه عریضهلرینی بېکار قیلیشنی بویوردی. مذکور قرار ترامپ مأموریتی نینگ مهاجرت بارهسیدهگی قطعي سیاستیگه نوبتدهگی ضربه بۉلدی.
امریکا قانونچیلیگیگه کۉره، مهاجرت فقط «دولت قرهماغیگه توشیب قالیشی» احتمالی سببلی رد اېتیلیشی ممکن. بو نینگ اوچون کانسوللیک خادیمی عریضهچی نینگ مالیوي احوالی، یاشی، ساغلیغی، کۉنیکمهلری و عایلهوي شرایطلرینی علیحده کۉریب چیقیشی کېرهک.
قاضی وارگاس عملده امریکا خادملریگه عریضهچیلر اۉز حیاتینی تأمینلش امکانیتیگه اېگه بۉلسه هم، فقط اولرنینگ کېلیب چیقیش مملکتیگه اساسلنیب ویزه عریضهلرینی رد اېتیش بویوریلگنینی انیقلهگن.
اوشبو تعقیق عایله اعضالریگه قۉشیلیش یاکه ایشلش اوچون امریکاگه بارهدیگن شخصلرگه دایمي یشش ویزهلری بېریلیشینی تۉختهتگن اېدی. بیراق او سیاحلیک یاکه طلبهلیک ویزهلری کبی مهاجرتی ویزهلرگه تعلقلی اېمس اېدی.
روبیو امریکا قۉشمه ایالتلرینینگ برچه دیپلوماتیک و قنسوللیک وکالتخانهلریگه یوبارگن همده محکمه ایشیگه هم کیریتیلگن یۉریقنامهده، عریضهچی «دولت خدمتلریدن فایدهلنیشی احتمالی سببلی رد اېتیلیشی کېرهک اېمسلیگینی کۉرسهتووچی قۉشیمچه حجتلر تقدیم اېتسه هم»، اونینگ عریضهسینی رد اېتیش بویوریلگن.
وارگاس اۉز قراریده: «نتیجه آلدیندن بېلگیلنگن؛ ویزه رد اېتیلهدی»، – دېب یازگن.
اوشبو سیاست ویزهلر بېریشده فقرالیککه اساسلنگن کمسیتیشنی تعقیقلاوچی ۱۹۶۵-ییلگی قانونگه ضد اېکنینی تأکیدلهدی. شونینگدېک، بو سیاست تشقی ایشلر وزیرلیگینینگ قنسوللیک خادملری ایندیویدول ایشلر بۉییچه قرار قبول قیلیش ترتیبینی بېلگیلش وکالتینی چېکلاوچی باشقه قاعدهگه هم ضد اېکنینی ایتدی.
باشقه قانوني اساسلرگه کۉره رد اېتیلگن عریضهلر، حتا قنسوللیک خادیمی قۉشیمچه روشده اوشبو تعقیقنی هم اساس صفتیده کېلتیرگن بۉلسه، اۉز کوچیده قالهدی. شو سببلی محکمه قراری نتیجهسیده عیناً نېچته ویزه رد اېتیلیشی بېکار قیلینیشی حاضرچه نامعلوم.
اوشبو سیاستگه کیریتیلگن۷۵ مملکت نینگ اکثریتی اروپا دولتلری اېمس. اولر کریب حوزهسی، صحرای کبیردن جَنوبدهگی افریقا، بالقان، یقین شرق، مرکزي آسیا و جَنوبی-شرقي آسیا حدودلریده جایلشگن.
امریکا تشقی ایشلر وزیرلیگی بو مملکتلر رۉیخطینی اقتصادي مصلحتچیلر کېنگشی معلوماتلری اساسیده توزگن. رۉیخطگه مهاجرت عایلهلری نینگ۳۰ فایزیدن آرتیغی قندهی دیر دولت یاردمینی آلهدیگن مملکتلر کیریتیلگن.
حکومت وکیل مدافعلر اوشبو سیاستنی حمایه قیلیشده امریکا عالي محکمهسی نینگ ۲۰۱۸-ییلدهگی قراریگه تهیهنگن. عالي محکمه ترامپ نینگ جمهور رییسیلیک دوریدهگی بیرینچی مدتی دوامیده جاري اېتیلگن سیاحت تعقیقی نینگ اوچینچی وریانتینی معقولهگن اېدی. اۉشه تعقیق اکثریتی مسلمانلردن عبارت بۉلگن بیر نېچته مملکت یشاوچیلرینینگ اقشگه کیریشینی چېکلهگن.
بیراق وارگاس نینگ ایتیشیچه، اۉشه ایش جمهور رییس نینگ مملکتگه کیملرنینگ کیریشیگه رخصت بېریلیشینی بېلگیلش وکالتیگه تعلقلی بۉلگن. ویزه تعقیقی حقیدهگی حاضرگی ایش اېسه باشقه مسألهگه – معین شخصگه عموماً ویزه بېریش ممکنمی یاکه یۉقمی – تعلقلیدیر.
ترامپ مأموریتی اوشبو محکمه قراری اوستیدن شکایت قیلیشی ممکن.
ترامپ جمهور رییسلیک مدتی دوامیده امریکاگه مهاجرت و باشپناه ایزلاوچیلرنی قبول قیلیش بۉییچه قطعي قاعدهلرنی جاري اېتدی.
او۳۹ مملکت فقرالری، جملهدن امریکاده یشهیاتگن افغانستانلیکلرنینگ باشپناه ایشلرینی کۉریب چیقیش جریانینی هم تۉختهتگن اېدی. بیراق بو قرار هم محکمه تامانیدن بېکار قیلینگن. امریکا سیاحت و باشپناه آلیش بۉییچه چېکلاولر جاري اېتیلگن بیر پیتده، افغانستانده امریکا انستیتوتلری و کوچلری بیلن همکارلیک قیلگن یوزلب افغانستانلیک مملکتگه
