امریکا قۉشمه ایالتلری جمهور رییسی دونالد ترامپ، ونزوئلا نفتی بیلن عملگه آشیرهدیگن ایشلریدن بیری امریکانینگ استراتژیک نفت ذخیرهلرینی تۉلدیریش اېکنینی ایتدی. اونینگ تأکیدلشیچه، بو ذخیرهلر «اویقودهگی جوبایدین» دوریده بۉشب قالگن.
ترامپ بوگون (یکشنبه، ۸-سنبله) در تروثسوشیال ترماغیده یازیشیچه، امریکانینگ نفت ذخیرهلرینی ونزوئلا نفتی حسابیدن تۉلدیریش جریانی تېز آرهده باشلنهدی. او بونی ونزوئلا نینگ امریکا خلقیگه بېرگن «ساوغهسی» دېب اتهگن.
امریکا و ونزوئلا کېچه ونزوئلانینگ۶۵ میلیارد بررېل مقداریدهگی تصدیقلنگن نفت ذخیرهلری بۉییچه تاریخي کېلیشووگه اېریشگنینی معلوم قیلگن. کېلیشوو۱۷ ته نفت کانینی رواجلنتیریشنی نظرده توتهدی و امریکاگه ینگی توزیلمه ایشلب چیقریشی نینگ 55 فایزی اوستیدن ثمرهلی نظارت همده نفتنی تننرخده ساتیب آلیش حقوقینی بېرهدی.
دونالد ترامپ اوشبو کېلیشوونی «دنیا تاریخیدهگی اېنگ ییریک نفت بیتیمی» دېب اتهگن و امریکا۶۵میلیارد بررېل ونزوئلا نفتی اوستیدن هېچ قندهی خرجتسیز نظارتگه اېگه بۉلیشینی ایتگن.
ونزوئلا مؤقت جمهور رییسی دلسی رودریگز هم کېلیشوونی تصدیقلب، اونی تاریخي دېب اتهگن. اونگه کۉره، کېلیشوو ونزوئلا نفت صناعتیگه۱۰۰ میلیارد دالرگه یقین خصوصي سرمایه جلب قیلیشی و مملکتگه۲۰۹ میلیارد دالردن آرتیق سالیق درآمدی کېلتیریشی ممکن.
دلسی رودریگز کېلیشوو۲۵ ییل عمل قیلیشینی و ونزوئلانینگ حاکمیتینی سقلنیب قالیشینی تأکیدلهگن.
