گزارشلرگه کۉره، پنجشنبه کونیدن بېری حوثيلر و یمن حکومتی کوچلری اۉرتهسیدهگی تۉقنهشوولرده ایکّی تاماندن جمعی ۸۱جنگچی اۉلدیریلگن.
فرانسه اخبارات آژانسی خبریگه کۉره، بو رقم ایکّی نفر حربي منصبدار و حوثيلر نظارتیدهگی حدودلردهگی طبي منبعلر تقدیم اېتگن معلوماتلرنینگ عمومی لشتیریلیشی اساسیده حسابلنگن.
یمن حکومتینینگ قیزیل دېنگیز ساحلیدهگی حربي منصبداری اونینگ کوچلریدن ۲۴ نفری هلاک بۉلگنینی معلوم قیلگن. تعزنینگ ایچکی حدودیدهگی ینه بیر حربي منصبدار اېسه او یېرده ۱۵ کیشی هلاک بۉلگنینی ایتگن.
حوثيلر نظارتیدهگی حدودلردهگی طبي منبعلرگه کۉره، کمیده ۴۲ نفر حوتي جنگری هم هلاک بۉلگن.
یمنده پنجشنبه کونی قانلی تۉقنهشوولر باشلنگن. بونگه حوثي کوچلر قیزیل دېنگیز ساحلیدهگی حدودلر و تعز اطرافیگه یقین جایلرده راکت و درون هجوملری بیلن بیرگه قوروقلیکدن هجوم باشلهگنی سبب بۉلگن.
یمن حکومتی حربي منبعلری فرانسه اخبارات اگېنتلیگیگه عصیانچیلر بیر نېچه هفتهدن بېری هجوملرگه اوچرهیاتگن مهم بندر شهری مخانی حکومت نظارتیدهگی باشقه حدودلردن اجرهتیشگه و استراتژیک باب المندب بۉغازیگه توتهش حدودلر تامان ایلگریلشگه اورینهیاتگنینی بیلدیرگن.
یمن اۉن ییلدن آرتیق وقتدن بېری ایچکی اوروش گِردابیده قالماقده.
ایران تامانیدن قۉللب-قوّتلنهدیگن و یمن پایتختی صنعانی نظارت قیلهیاتگن حوثیلر جولای آییده سعوديه عربیستانی قۉللب-قوّتلهگن حکومت بیلن ۲۰۲۲-ییلده اېریشیلگن صلحنی بېکار قیلگن.
