بیرلشگن ملتلر تشکیلاتی نینگ افغانستاندهگی یاردمچی ادارهسی (یوناما) افغانستان اوچون برقرار تینچلیک فقط اوروش نینگ یۉقلیگینی انگلهتمسلیگینی، بلکه بو «آدملرگه، تعلیمگه، درآمد تاپیش امکانیتلریگه و انسان قدر-قیمتیگه دایمي سرمایه کیریتیشنی طلب قیلیشینی» ایتدی.
یوناما بوگون (دوشنبه، ۳۰-سنبله) «خلقارا تینچلیک کونی» مناسبتی بیلن شوندهی دېدی: «برقرار تینچلیک اینکلیوزیولیککه اساسلنهدی و عیاللر همده قیزلر جمعیتلری و مملکتلری کېلهجگینی شکللنتیریشده مضمونلی اشتراک اېتگنلریده ینهده مستحکملنهدی.»
یونامانینگ قۉشیمچه قیلیشیچه، بمت باش کاتبی نینگ چقیریغیگه موافق، «تینچلیک پسیف حادثه هم، اۉز-اۉزیدن یوزهگه کېلهدیگن نرسه هم اېمس؛ عکسینچه، او یخشیراق کېلهجکنی برپا اېتیش اوچون فعال و آنگلی تنلاودیر».
بیرلشگن کاتلر تشکیلاتی نینگ افغانستاندهگی یاردمچی میسسیهسی بو ییلگی خلقارا تینچلیک کونی نینگ شعاری «تینچلیک اوچون سرمایه؛ همه اوچون، همه جایده و هر کونی» بۉلگنینی و میسسیه بونگه اورغو بېریشینی بیلدیردی.
طالبان افغانستانده قَیته حاکمیتنی اېگهللهگنیدن بېری قوراللی هجوملر و اوروشلر کمهیگن، بیراق کۉپلب فقرالر اۉزلرینی خوفسیز و خاطرجمع حس قیلمهیاتگنینی اَیتماقده.
بوندن تشقری، طالبان بېش ییلدن آرتیق وقتدن بېری عیاللر و قیزلر نینگ تعلیم آلیشی همده ایشلشینی تعقیقلب، اولر نینگ جمعیتدهگی اشتراکی و فعالیتینی کېسکین چېکلب کېلماقده.
بیرلشگن کاتلر تشکیلاتی رسميسلری طالبان سیاستی افغانستان برقرارلیگی اوچون مهم خوفلر نینگ تۉپلنیشیگه سبب بۉلگنینی اَیتماقده. اولر نینگ تأکیدلشیچه، طالبان نظارتیدهگی افغانستانده حدودي نظارت نینگ تشقی کۉرینیشی و قوراللی تۉقنهشوولر نینگ کمهییشی موجود حقیقي خوفلرنی یهشیرماقده.
