طالبلرنینگ سمنگان ولایتی امنیه قوماندانلیگینینگ معلوم قیلیشیچه، بلخ سمنگان ترانسپورت یۉلیده «سراچه» و «پاسو» روسوملی ایکّی موترنینگ تۉقنهشیب کېتیشی عاقبتیده ۷۲ یاشلی عیال هلاک بۉلگن، ینه اوچ کیشی جراحتلنگن.
طالبلرنینگ سمنگان ولایتی امنیه قوماندانلیگی مطبوعات سوزلاوچیسی حشمتالله رحماني اوشبو حادثه بوگون (دوشنبه، ۳۰-سنبله) ولایت نینگ خلم اولسواللیگه قرهشلی منطقهده صادر بۉلگنینی ایتگن.
اونینگ قۉشیمچه قیلیشیچه، «پاسو» روسوملی موتر هیداوچیسی هم اوشبو حادثهده جراحتلنگنلر آرهسیده.
رحماني دستلبکی تېکشیروولرگه کۉره، هیداوچیلرنینگ احتیاطسیزلیگی اوشبو حادثهگه سبب بۉلگنینی بیلدیرگن.
افغانستانده ترافیک حادثهلری هر ییلی یوزلب کیشینینگ حیاتیگه ضامن بۉلیب، ینه یوزلب آدم جراحتلنیشیگه سبب بۉلماقده.
مذکور حادثهلرنینگ اکثریتیگه هیداوچیلرنینگ احتیاطسیزلیگی، یۉللرنینگ یامان احوالده اېکنی و یۉل حرکتی بېلگیلرینینگ یېتیشمسلیگی سبب بۉلهیاتگنی ایتیلهدی.
طالبلد رهبری هبتالله آخوندزاده یقینده ترافیک حادثهلریگه سبب بۉلگن شخصلرنی حبسگه آلیش و محکمه قیلیش حقیده بویروق بېرگن. شونگه قرهمهی، مملکتنینگ تورلی حدودلریدن هر کونی بوندهی حادثهلر صادر بۉلهیاتگنی حقیده خبرلر کېلیب توشماقده.
