پنجشیردهگی منبعلر طالبلرنینگ اوشبو ولایتدهگی استخبارات ادارهسی گروه نینگ محلي بۉلگن ایکّی کیشی پولیس خادیمینی حبسگه آلگنینی اَیتماقده.
منبعلرگه کۉره، «دوکتور فیض» و «مطعالله» اسملی بو ایکّی کیشی تیناوون(سهشنبه، ۳۱ سنبله) ولایت مرکزیدن حبسگه آلینگن.
منبعلر ایتیشیچه، بو ایکّی خادم اوّلگی حکومت دوریدهگی حربي خدمتچیلر بۉلیب، شو پیتگچه پنجشیر پولیس باشقرمهسیده ایشلهگن. اولرنینگ حبسگه آلینیشی سببی حاضرچه نامعلوم.
پنجشیردهگی منبعلر طالبلرنینگ اوشبو ولایتده خوفسیزلیک چارهلرینی کوچهیتیرگنینی اَیتماقده.
منبعلرگه کۉره، طالبلرنینگ پنجشیرده اۉزباشیمچهلیک بیلن حبسگه آلیشلری هم کۉپهیگن.
طالبلرنینگ پنجشیردهگی حربي اشتراکی باشقه ولایتلرگه قرهگنده کۉپراق بۉلیب، افتیدن، بو گروه اوشبو ولایتده اۉز مخالفلرینینگ تأثیریدن خواطرده.
