امریکا جمهور رییسی دونالد ترامپ مصلحتچیلری‌نینگ ایتیشیچه، آق اوی مطبوعات کیتی زکریا لوازمیدن چېتله‌تیلگن.
سی‌ان‌ان خبریگه کۉره، ترامپ‌نینگ اۉزی جمعه کونی ژورنالیستلرگه زکریاندن اوشبو لوازمده‌گی فعالیتینی دوام اېتتیریش مسأله‌سینی قَیته کۉریب چیقیشنی سۉره‌گنینی ایتگن. بو بیانات عملده اونینگ قیسقه مدتلی فعالیتیگه یکون یه‌سه‌لگنینی انگله‌تگن.
ترامپ جمعه کونی اېرته‌لب زکریاگه: «راستینی ایتسه‌م، اگر مېن سیزنینگ اۉرنینگیزده بۉلگنیمده، بو ایشنی دوام اېتتیریش مسأله‌سینی قَیته کۉریب چیقردیم»، دېگنینی ایتدی.
او جورجا ایالتیگه سفردن قَیتگچ، زکریا بیلن گپلشیشینی و یکوني قرارنی اونینگ اۉزیگه قالدیریشینی بیلدیردی.
ترامپ اونگه: «کیتی، سیزگه حقیقتاً هم بو ایش کېره‌کمی؟ مېنیمچه، سیزگه بو ایش کېره‌ک اېمس»، دېگنینی ایتدی.
سی‌ان‌ان‌نینگ یازیشیچه، بو بیاناتلر ترامپ‌نینگ زکریاگه نسبتاً آچیقچه‌سیگه ایشانچسیزلیک بیلدیرگنینی کۉرسه‌ته‌دی. زکریا اوشبو لوازمنی اتیگی بیر هفته اوّل اېگه‌لله‌گن اېدی.
نشرنینگ یازیشیچه، اونینگ سه‌شنبه کونی بۉلیب اۉتگن ایلک مطبوعات انجمنیده‌گی موفقیتسیز اشتراکی و کېلیب چیقیشی حقیده‌گی کېتمه-کېت سواللر رسانه همده ترامپ نینگ اَیریم یاردمچیلری‌نینگ اونینگ فعالیتینی جدّي کوزه‌تیشیگه سبب بۉلگن.
ترامپ آق اویدن جورجیا ایالتیده‌گی سیاسي ییغیلیشده اشتراک اېتیش اوچون جۉنه‌ب کېته‌یاتیب، رسانه زکریاگه نسبتاً نااۉرین مناسبتده بۉلگنینی ایتدی.
بیراق ترامپ زکریانی حکومت‌نینگ باش مطبوعات کاتبی صفتیده اونینگ نامیدن گپیریش اوچون مناسب دېب حسابله‌مسلیگینی آچیق کۉرسه‌تدی.
او: «بلکه بو ایش اونگه ماس کېلمس»، دېیه تن آلدی.
