روسیه جمهور رییسی ولادیمیر پوتیم امریکا جمهور رییسی‌نینگ مخصوص نماینده‌سی استیو ویتکاف بیلن اوچره‌شووده مسکو جاري ییل نینگ نوامبر آییده اوکراین مسأله‌سی بۉییچه اوچ تامانله‌مه مذاکره‌لرنی قَیته باشلشگه تیارلیگینی بیلدیرگن.
استیو ویتکاف اوکراین جمهور رییسی ولادیمر زلنسکي بیلن اوسلوده اوچره‌شگنیدن سۉنگ، بوگون (چهارشنبه، ۲۹-میزان) روسيه‌گه باریب، سن پترزبورگ شهریده ولادیمیر پوتین بیلن اوچره‌شگن.
روسيه جمهور رییسی یاردمچیسی یوری اوشاکوف ژورنالیستلرگه بېرگن معلوماتیده اوکراین مسأله‌سی اوچره‌شوو‌نینگ اساسي موضوعسی بۉلگنینی و تامانلر برقرار تینچلیککه اېریشیش یۉللری حقیده فکر المشگنینی ایتگن.
پوتین‌نینگ یاردمچیسی، شونینگدېک، ویتکاف آسلوده‌گی اوچره‌شووده اوکراین نینگ و اروپا نینگ ینگی یاندشووی حقیده پوتینگه معلومات بېرگنینی بیلدیرگن.
اونینگ قۉشیمچه قیلیشیچه، اوکراین انقراضینی حل قیلیش باره‌سیده‌گی مذکور یاندشوولرنینگ عملي اهمیتی کم.
«اسپوتنیک» اخبارات آژانسی خبریگه کۉره، پوتین و ویتکاف اۉرته‌سیده‌گی مذاکره‌لرده روسيه جمهوری رییسی یاردمچیسی یوري اوشکاف همده روسيه جمهور رییسی‌نینگ و اقتصادي همکارلیک مسأله‌لری بۉییچه مخصوص وکیلی کریل دمیتریف هم اشتراک اېتگن.
مذکور نشرنینگ قۉشیمچه قیلیشیچه، امریکا جمهور رییسی دونالد ترامپ‌نینگ کویاوی جرېد کوشنېر هم مذاکره‌لرگه ویدېو مولاقات آرقه‌لی قۉشیلگن.
امریکا سۉنگگی کونلرده اوکراین جمهور رییسی ولادیمیر زلنسکيگه باسیمنی کوچه‌یتیرگنیدن کېین، اوکرایم اوروشینی توگه‌تیش بۉییچه سعی-حرکتلرنی ینه قَیته باشله‌گن.
امریکانینگ بیر رسميسی ویتکاف نینگ زلنسکي و اَیریم اروپا رسميلری بیلن آسلوده‌گی اوچره‌شووینی «ثمره‌لی» دېب بهاله‌گن. بیراق امریکا رسميلری حاضرچه ویتکاف و پوتین اۉرته‌سیده‌گی اوچره‌شوو یوزه‌سیدن ایضاح بېرمه‌گن.
