تۉرت اسلامي و اوچ اروپا مملکتی‌نینگ تشقی ایشلر وزیرلری بوگون (جمعه، ۱ عقرب) تورکيه نینگ استانبول شهریده هرمز بۉغازی و یقین شرقده‌گی بحران مسأله‌لرینی محاکمه قیلیش اوچون ییغیله‌دی.
پاکستان تشقی ایشلر وزیرلیگی ایکس‌ده‌گی بیاناتیده پاکستان، سعوديه عربستانی، تورکيه، مصر، بویوک بریتانیا، آلمان و فرانسه تشقی ایشلر وزیرلری اوشبو اوچره‌شووده اشتراک اېتیشینی معلوم قیلدی.
بیاناتده ایتیلیشیچه، پاکستان تشقی ایشلر وزیری اسحاق‌دار بوگون اېرته‌لب اشتانبول‌گه یۉل آلگن.
پاکستان تشقی ایشلر وزیرلیگی اشتراکچیلر «منطقوي و خلق‌ارا مقیاسده‌گی مهم واقعه‌لر» یوزه‌سیدن فکر المشیشی و مذاکره آلیب باریشینی بیلدیرگن.
عینِ پیتده، تورکيه تشقی ایشلر وزیرلیگیده‌گی بیر منبع‌نینگ ایتیشیچه، مذاکره‌لرده فلسطینلیکلر مسأله‌سی، یمنده‌گی وضعیت، هرمز بۉغازی، شونینگدېک، روسيه و اوکراین اوروشینی یکونلش یۉللری محاکمه قیلینه‌دی.
بی‌بی‌سی بویوک بریتانیا شقی ایشلر وزیری اداره‌سیگه ته‌یه‌نیب یازیشیچه، مذاکره‌لرنینگ اساسي موضوعسی «هرمز بۉغازی و سعوديه عربستانیده‌گی وضعیت» بۉله‌دی.
تورکيه تشقی ایشلر وزیری هاکان فیدان مېزبانلیک قیله‌یاتگن اوشبو اوچره‌شووده ایلک بار دېب اتله‌دیگن تۉرت اسلامي دولت «آر۴» نامی بیلن تنیلگن اوچ اروپا دولتی بیلن بیرگه‌لیکده اشتراک اېتماقده.
