اوکراین جمهور رییسی والادیمیر زلنسکي مملکتده استارلینک و «استار شیلد» صنعي یۉلداش اینترنت خدمتلری‌نینگ تېزلیگیگه قۉییلگن چېکلاولر آلیب تشلنگنینی معلوم قیلدی.
زلنسکي بوگون (شنبه، ۲ عقرب) ایکس ترماغیده ویدیو جایلب، استارلینک اینترنتی تېزلیگی‌نینگ تیکلنیشی کېچه تونده باشلنگنینی و بوگون اېرته‌لبگچه چېکلاولردن آلدینگی حالتیگه قَیتگنینی ایتدی.
اوکراین جمهور رییسی استارلینک اینترنتی تېزلیگی‌نینگ تیکلنیشی اوکرایننی روسيه‌نینگ «شاهد» راکت و درون هجوملریدن حمایه قیلیش همده اوروش‌نینگ (جبهه) چیزیغیده‌گی لاگیستیکه اوچون مهم اېکنینی تأکیدله‌دی.
او بو باره‌ده یاردم کۉرسه‌تگنی اوچون کانگرس اعضالری، سناتورلر، رسانه‌لر نماینده‌‌لری، امریکا تشقی ایشلر وزیرلیگی و امریکا جمهور رییسی‌گه منّتدارلیک بیلدیریب، «انسانلر حیاتینی حمایه قیلیش مهم»، دېدی.
امریکا جمهور رییسی دونالد ترامپ و اوکراین جمهور والادیمیر زلنسکي اۉرته‌سیده‌گی سۉنگگی کېلیشماوچیلیکلر آرتیدن ایلان مسک نینگ «اسپیس ایکس» کمپنیسیگه تېگیشلی سترلینک و «استارشیلد» اینت نت خدمتلری نینگ اوکراین‌ده‌گی تېزلیگی کېسکین پسه‌یگن اېدی.
اوکراین رسميلری استارلینک و استارشیلد تېزلیگی‌نینگ په‌سه‌ییشی مملکت حربي عملیاتلریگه همده روسيه راکت‌لرینی توتیب قالیش امکانیتلریگه خلل بېرگنینی معلوم قیلگن.
«اسپیس ایکس» کمپنیسی اېگه‌سی ایلان ماسک استارلینک بیلن باغلیق حربي خدمت بۉلگن استارشیلد امریکا حکومتی نظارتیده اېکنینی و اونینگ تېزلیگی یاکه اوندن فایده‌لنیش ترتیبیگه عاید هر قنده‌ی چېکلاونی امریکا حربيلری، آخر-عاقبت اېسه مملکت جمهور رییسی بېلگیلشینی بیلدیرگن.
