روسيه‌‌نینگ محلي رسميلری اوکراین درونلری‌نینگ روسيه‌‌نینگ بېلگورود و «شبکینو» شهرلریگه اویوشتیرگن هجوملریده کمیده اوچ کیشی هلاک بۉلگنی و ینه ۱۴ کیشی یره‌لنگنینی معلوم قیلدی.
رویترز خبریگه کۉره، بېلگورود شهری امنیه قوماندانی الکساندر شوایف بوگون (یک‌شنبه، ۳ عقرب) اوکراین‌دن شهرگه اویوشتیریلگن هجومده کمیده ایکّی کیشی هلاک بۉلگنی و ۱۳ کیشی یره‌لنگنینی ایتگن.
اونینگ قۉشیمچه قیلیشیچه، هجوم عاقبتیده ۳۰ ته کۉپ قبتلی اوی خاندانی، ۳۵ ته موتر، تۉرتته اوی، اوچته اداری بنا، سکّیزته تجارت بناسی و اوچته اجتماعي تاسیسات ضرر کۉرگن.
رویترر خبریگه کۉره، روسيه رسميلری شبکینو شهری یقینیده‌گی قیشلاقلردن بیریگه اوکراین تامانیدن اویوشتیریلگن هجومده بیر کیشی هلاک بۉلگنی و ینه بیر کیشی یره‌لنگنینی معلوم قیلگن.
مذکور هجوملر امریکا تامانیدن استارلینک صنعي یۉلداش اینترنتی و اونینگ حربي وېرسيه‌سی «استارشیلد»گه جاري اېتیلگن تېزلیک چېکلاوی آلیب تشلنگنیدن سۉنگ صادر بۉلگن.
اوکراین اوّلراق استارلینک اینترنتی تېزلیگیگه قۉییلگن چېکلاو روسيه درانلریگه قرشی هجوملر و اولرنی توتیب آلیش جریانلریده اوزیلیشلرگه سبب بۉلگنینی بیلدیرگن اېدی.
