لوگرده طالبلر امنیه قوماندانلیگی چمهسی آلتمیش یاشده بۉلگن بیر خاتین و اۉن ایککی یاشر بیر قیز کېچهلب بو ولایت مرکزیده اۉلدیریلگنی حقیده خبر بېردی.
مذکور قوماندانلیک حادثهده قۉلی بارلککه گمان قیلینیب ایککی کیشی حبسگه آلینگن دېدی.
لوگرده طالبلر امنیه قوماندانلیگی عیبلنگن کیشلر جمعه کېچهسی (۱۶ عقرب) پل علمده بیر اویگه کیریب آلتمیش یاشیده بۉلگن بیر عیال و اۉن ایککی یاشلر بیر قیزنی دستلب هوشسیز اېتیب، سۉنگ بالتهلب قتل اېتگن دېدی.
طالبلرنینگ لوگردهگی امنیه قوماندانلیگی عیبلنگن کیشلر چمهسی ۲۰۰یوزمینگ افغانی و تۉرت مینگ امریکا دالرینی شو اویدن اۉغیرلهگنلر دېب قۉشیمچه قیلگن.
شونینگدیک قۉلگه آلینگنلر اۉز عیبینی تن آلیب کۉپراق تېکشیروو اۉتکزیلیشی اوچون تېرگاوده بۉلهدیلر دېدی قوماندانلیک.
طالبلرنینگ امنیتنی تامین قیلگنی حقیدهگی ادعاسیگه قرهمهی، جنایی جرملر جملهدن سِرلی قتللر و مملکتنینگ تورلی بۉلیملریده جسدلرنی کشف اېتیش همان دوام اېتماقده.
