ایران جمهور رییسی مسعود پزشکیان بیر کونلیک رسمي سفر بیلن پاکستانگه باریب، بیر نېچه دقیقه آلدین اسلام آبادگه یېتیب کېلدی.
پاکستان دولت تلویزیونی خبریگه کۉره، پزشکياننی اسلام آباد قۉنالغهسیده آصف علی رزداری، شهباز شریف همده اسحاقدار کوتیب آلگن.
ایران تشقی ایشلر وزیری عباس عراقچی هم پزشکياندن بیر نېچه ساعت آلدین عماندن اسلام آبادگه یېتیب کېلگن اېدی.
ایران جمهور رییسلیگی مطبوعات خدمتی باش مدیری حبیب عباسینینگ ایتیشیچه، اوشبو سفرنینگ مقصدلری اوّلگی تشریفلر دوامیده قبول قیلینگن قرارلرنینگ اجراسینی محاکمه قیلیش، ایکّی دولت اۉرتهسیدهگی اقتصادي همکارلیکنی کېنگهیتیریش امکانیتلرینی کۉریب چیقیش همده پاکستان نینگ ایران و امریکا اۉرتهسیدهگی واسطهچیلیک سعی-حرکتلری اوچون منّتدارلیک بیلدیریشدن عبارت.
بو مسعود پزشکياننینگ ایران جمهور رییسی صفتیده پاکستانگه عملگه آشیرهیاتگن ایکّینچی تشریفی دیر. او اۉتگن ییل نینگ اسد آییده هم ایکّی کونلیک سفر بیلن اسلام آبادده بۉلگن اېدی.
مذکور تشریف ایران و امریکا اۉرتهسیده پاکستان واسطهچیلیگیده کېلیشوو شرطنامهسی امضالنگنیدن همده پاکستان و قطر واسطهچیلیگیده ایکّی دولت اۉرتهسیدهگی تخنیکي مذاکرهلرنینگ بیرینچی باسقیچی اۉتکزیلگنیدن کېین عملگه آشیریلماقده.
