ایران اسلام جمهوریتی جمهور رییسی مسعود پزشکيان، پارلمان باشلیغی محمد باقیر قالیباف، قضاییه قوه باشلیغی غلام حسن محسنی اژهی ایران نینگ اوچ حاکمیت ترماغی رهبرلری علی خامنهای بیلن وداعلشدیلر.
اوچ حاکمیت رهبرلری خارجي دیپلوماتیک هیئتلردن سۉنگ بوگون (جمعه،۱۲سرطان) توشدن کېین ایران سابق رهبرینینگ رسمي دفن مراسمیده اشتراک اېتدیلر.
علی خامنهای دفن مراسمینی باشقریش بۉییچه مخصوص کمیسیون اعلان قیلگن دستورگه کۉره، دفن مراسمی تۉرت کون دوامیده (جمعه–دوشنبه) تهرانده، سهشنبه کونی قمده، چهارشنبه کونی کربلا و نجفده، پنجشنبه کونی اېسه مشهده دوام اېتهدی.
خامنهای وصیتیگه موافق، اونینگ جسدی امام رضا مقبرهسیده دفن اېتیلیشی رېجهلشتیریلگن.
سابق رهبر جسدی بیلن بیرگه اونینگ قیزی بشره، کویاوی مصباح الهدی باقری، زهرا حداد عادل، اۉغلی مجتبی خامنهای نینگ خاتینی زهرا حدداد عادل همده ۱۴ آیلیک نېورهسی زههرا محمدی گلپایگانینینگ جسدلری هم دفن مراسمیده کوزهتیلماقده.
