ایران اوردوسی قوماندانی امیر حاتمی علی خامنهاینینگ دفن مراسمیده ایران سابق رهبری اوچون امریکا قۉشمه ایالتلری همده اسرایلدن قصاص آلیشینی ایتدی.
حاتمی بوگون (جمعه، ۱۲-سرطان) تهراندهگی مصلا مجموعهسیده بۉلیب اۉتگن خامنهای نینگ رسمي دفن مراسمیده سۉزگه چیقیب، ایران اوردوسی امریکا و اسرایل بیلن اوروشدن سۉنگ ینه-ده کوچلی اراده و قطعیتگه اېگه بۉلگنینی تأکیدلهدی.
او ژورنالیستلرگه شوندهی دېدی: «هېچ قندهی شبهه یۉقکی، بو شهیدلیک بیزنینگ ارادهمیزنی ینه-ده مستحکملهدی.»
حاتمی امریکا و اسرایلگه مراجعت قیلیب شوندهی آگاهلنتیردی: «شهید بۉلگن امامیمیز و برچه شهیدلریمیز قانی اوچون البته قصاص آلهمیز.»
شو بیلن بیرگه، اسلام انقلابی قۉریقچیلری هم «دشمن جبههسینی» آگاهلنتیریب، هر قندهی ناتۉغری حساب-کتاب مثلی کۉریلمهگن درجهده قطعي جواب بیلن قرشی آلینیشی حقیده بیانات بېردی.
سپاه پاسداران نشر قیلگن بیاناتده ایران قوراللی کوچلرینینگ «جنگاور شَیلیگی» تأکیدلنیب، شوندهی دېییلهدی: «هر قندهی ناتۉغری حساب-کتاب قطعي و اوّلگیدن هم کوچلیراق جواب بیلن قرشی آلینهدی همده بو اولرنینگ شرمندهلی تاریخیده ابدي قید اېتیلهدی.»
بوگون تهران علی خامنهاینینگ دفن مراسمیده قتنهشیش اوچون دنیانینگ قریب۱۰۰ مملکتیدن کېلگن هیئتلرگه مېزبانلیک قیلماقده.
امریکا و اسرایل نینگ ایرانگه قرشی اوروشی دوامیده اوشبو مملکتنینگ سابق رهبری، قریب۴۰ نفر یوقاری مرتبهلی حربي و سیاسي عملدار همده جمعی اوچ مینگ۵۰۰ گه یقین کیشی هلاک بۉلگن.
