امریکا قۉشمه ایالتلری مرکزي قوماندانلیگی (سنتکام) ایراننینگ تیناوون اردنگه اویوشتیرگن راکت و درون هجوملری عاقبتیده ایکّی امریکالیک عسکر هلاک بۉلگنینی تصدیقلهدی.
سنتکام بوگون، شنبه (۲۷-سرطان) نشر قیلگن بیاناتیده، حاضرده ینه بیر امریکالیک عسکر بېدرَک یۉقالگنینی معلوم قیلدی.
قوماندانلیکنینگ بیلدیریشیچه، ینه تۉرت امریکالیک حربي دوالنیش اوچون اردندهگی شفاخانهلرگه کۉچیریلگن. اولر دوالنیشدن سۉنگ چیقریلگن. یېنگیل جراحتلر طفیلی طبي کۉریکدن اۉتگن باشقه حربيلر اېسه اۉز خدمت جایلریگه قَیتگن.
سنتکام هلاک بۉلگن حربيلرنینگ عایله اعضالریگه حرمت یوزهسیدن، اولرنینگ اېنگ یقین قرینداشلری رسماً خبردار قیلینگنیدن کېین 24 ساعت اۉتمهگونچه، جملهدن هلاک بۉلگن حربيلرنینگ شخصیگه عاید معلوماتلرنی آشکار قیلمسلیگینی بیلدیردی.
ایران امریکا بیلن ماجرا ینه اوج آلگنیدن بویان اردندهگی امریکا حربي پایگاهلریگه بیر نېچه بار هجوم قیلگن.
شونینگدېک، ایران بحرین و کویتدهگی امریکا پایگاهلریگه هم هجوم اویوشتیرگن، بیراق حاضرگچه بو ایکّی مملکتدهگی هجوملر عاقبتیده قربانلر حقیده خبر بېریلمهگن.
