امریکا قۉشمه ایالتلرینینگ جمهور رییسی دونالد ترامپ امریکا حربي-دېنگیز کوچلری هرمز بۉغازیگه اۉرنهتیلگن برچه دېنگیز ماینلرینی آلیب تشلهگنی یاکه پارتلهتیب یوبارگنینی ایتدی.
امریکا جمهور رییسی بوگون، سهشنبه،۳-سنبله کونی تروثسوشیال ترماغیده «ایرانگه ینگی ماینلر اۉرنهتیشگه حرکت قیلهدیگن هر قندهی کېمه یاکه قَییق زودلیک بیلن و تیزیملی روشده یۉق قیلینیشی حقیده خبر بېریلدی»، دېب یازدی.
ترامپ امریکا کوسمیک کوچلری هرمز بۉغازینینگ هر بیر قریچینی کوزهتیب تورگنینی، خودّی اوّل یۉق قیلینگن «کوه کلنگ»و اوچته هستوي تاسیسات کوزهتگنی کبی، بو حدودنی هم نظارت قیلهیاتگنینی قۉشیمچه قیلدی.
او «ماینلر اۉرنهتیلیشیگه نسبتاً صفر طاقت سیاستی بار کوچ بیلن عملگه آشیریلماقده»، دېیه تأکیدلهدی.
ایران ۱۴۰۴-ییل حوت آیینینگ ۹-کونیده امریکا و اسرایلنینگ ایرانگه قرشی هجوملری باشلنگنیدن سۉنگ هرمز بۉغازینی یاپگن و اوشبو خلقارا سوو یۉلینینگ بیر قِسمینی ماینلهگن اېدی.
هرمز بۉغازینینگ یاپیلیشی آرتیدن بوتون دنیاده نفت نرخی آشدی و خلق ارا انرژی تشکیلاتی دنیاده انرژی بحرانی یوزهگه کېلیشی ممکنلیگیدن آگاهلنتیردی.
اۉشندن بویان امریکا قۉشمه ایالتلری و ایران هرمز بۉغازینی قَیته آچیش مسألهسیده بیر نېچه بار مذاکره آلیب باردی، بیراق حاضرگچه اوشبو سوو یۉلینی تۉلیق آچیشگه امکان بېرهدیگن کېلیشووگه اېریشیلمهدی.
