شرکت ایکس اجتماعی پلاتفورمسیدهگی پُستیده شوندهی دېدی: «بیز تدقیقات محیطیمیزدهگی بسمه آنگ اگېنتلری اَیریم حالتلرده اۉقوو و بهالش معلوماتلرینی یوباریش ممکن بۉلمهگن اوچینچی تامان خدمتلریگه قندهی یوبارگنلری حقیده تفصیلاتلرنی اعلان قیلدیک.»
اوپنایآی نینگ ایتیشیچه، مذکور رسملر اۉز معلوماتلریدن کمپنی مۉدللرینی تکامللشتیریش اوچون فایدهلنیشگه رخصت بېرگن فایدهلنووچیلرنینگ اکونتلریدن آلینگن.
شرکت معلوماتلریگه کۉره، معلوماتلر فایدهلنیشدن آلدین مخفيلیک فیلتری آرقهلی اۉتکزیلگن و کېینچهلیک اولرنی دستلبکی فایدهلنووچی بیلن باغلشنینگ امکانی قالمهگن. اوپنایآی «فرانی پرس» خبر گزارلیگی نینگ سوالیگه جوابن رسملرده شخصینی انیقلش ممکن بۉلگن آدملر یاکه مخفي معلوماتلر بۉلگن-بۉلمهگنینی انیقلشتیرمهدی.
اوشبو شرکتنینگ بسمه آنگ اگېنتلری اوّل هم نظارتدن تشقری حرکت قیلیب، اَیریم باشقه یسمه آنگ کمپنیلریگه کیرگن اېدی.
اوپنایآی اۉز بسمه آنگ اگېنتلرینینگ اوّلگی فعالیتلرینی تېکشیرهیاتگنینی، بو جریان «یکونلنیشی اوچون بیر نېچه آی وقت کېتیشینی» بیلدیردی.
اوپنایآی وکیلی «فرانس پرس» اگېنتلیگیگه شوندهی دېدی: «حاضرگچه تېکشیرگن فعالیتلریمیز نینگ اکثریتی سواللرگه جواب بېریش اوچون اینتېرنېتدهگی عامهوي کانتېنتگه کیریش کبی عادتي تدقیقات ایشلرینی اۉز ایچیگه آلگن. اَیریم حالتلرده دولت وبسایتلری هم موجود بۉلگن، چونکه مۉدللریمیز کۉپینچه ایشانچلی عامهوي معلوماتلرنی آلیش اوچون اوشبو وبسایتلرگه مراجعت قیلهدی.
اوپنایآی باش مدیری سېم التمن جمعه کونی ایکس پلاتفورمسیده اوشبو حالتلرنی تېکشیریش و آشکار قیلیشده «اۉزی خواهلهگن درجهده تېز حرکت قیلمهگنینی» تن آلدی.
شو بیلن بیرگه، او «شفّافلیککه بۉلگن ایستهگیمیز» بیلن تحلیل قیلینیشی کېرهک بۉلگن جوده کتّه حجمدهگی معلوماتلرنی تېکشیریش اۉرتهسیده موازنتنی سقلش مهملیگینی تأکیدلهدی.
آپېنهی ۲۱-جولای کونی شو آیده اۉتکزگن تجربهلر دوامیده کمپنی نینگ ایکّی مۉدلی اۉزلرینینگ یاپیق محیطلریدن چیقیب، مستقل روشده اینتېرنېتگه کیرگنی و یسمه آنگ دستورلری اوچون آنلاین کتبخانه حسابلنگن «هوگگینگ فیس» نینگ ایچکی تیزیملریگه کیریب بارگنینی معلوم قیلگن اېدی.
بو واقعه کېنگ اعتبار قازاندی و اېنگ ییریک یسمه آنگ شرکتلرینینگ اۉز مۉدللرینی نظارت قیله آلیش قابلیبی یوزهسیدن خواطرلرنی کوچهیتیردی.
التمن جمعه کونی ینه «هوگگینگ فیس»گه کیریب باریش «حاضرگچه دوچ کېلگن اېنگ جدّي حادثه بۉلیب قالهیاتگنینی» تأکیدلهدی.
شوندن سۉنگ اوپنایآی و اونینگ رقیبلری، جملهدن آنتروپیک و «مېتا» شرکتلریده هم شونگه اۉخشش باشقه حالتلر فاش اېتیلدی.
آسترلیا باش وزیری آنتونی آلبانیزی چهارشنبه کونی نیویورکده اوپنایآینینگ یسمه آنگ اگېنتی جون آییده حکومتنینگ ساغلیقنی سهقلش خدمتلری پورتهلیگه ناقانوني روشده کیرگنینی ایتدی.
او، شونینگدېک، شرکتنی دولت اۉرگانلرینی بو حقده کېچ خبردار قیلگنی اوچون تنقید قیلدی.
